Published : 25/10/2020 02:10 IST

మిత్రుడెవరో, శత్రువెవరో తేలిపోయింది..

హారిస్‌-బైడెన్‌లకే మా మద్దతంటున్న భారతీయ అమెరికన్లు

వాషింగ్టన్‌: అమెరికా అధ్యక్ష ఎన్నికల్లో డెమొక్రటిక్‌ పార్టీ నేతలు జో బైడెన్‌, ఉపాధ్యక్ష అభ్యర్థి కమలా హారిస్‌లకే తమ మద్దతు అని ఇక్కడి భారతీయ అమెరికన్ల ప్రతినిధులు ప్రకటించారు.  తమను చక్కగా అర్ధం చేసుకున్నారని వివిధ భారతీయ సంఘాల నేతలు అభిప్రాయపడ్డారు.  అధ్యక్షుడు, ఉపాధ్యక్షురాలిగా వారిరువురిని నవంబర్‌ 3 నాటి ఎన్నికల్లో ఎన్నుకుంటామని వారు తెలిపారు. ప్రపంచ వేదికపై భారత్‌ను నిరంతరం విమర్శిస్తున్న అధ్యక్షుడు డొనాల్డ్‌ ట్రంప్‌  తమ శత్రువని వారు స్పష్టం చేశారు. తొలుత సెనేటర్‌గా, అనంతరం ఉపాధ్యక్షుడిగా ఎదిగిన బైడెన్‌.. ఆదినుంచి  భారతీయ అమెరికన్లకు దన్నుగా ఉన్నారన్నారు.

మాకు అలాంటి నేత కావాలి

‘‘ట్రంప్‌ నాలుగు సంవత్సరాలు అధికారంలో ఉన్న అనంతరం.. మా పిల్లలు, వారి పిల్లలకు మాకు ఉన్న విధంగా అవకాశాలు లభించవనేది స్పష్టమయింది. మాకు మా జాతిని, విలువలను, మా గొప్పదనాన్ని అర్ధంచేసుకుని మా కృషిని గుర్తించి, మాకు సమాన అవకాశాలను కల్పించే నేత కావాలి.’’ అని సిలికాన్‌ వ్యాలీకి చెందిన ప్రముఖ పారిశ్రామిక వేత్త అజయ్‌ జైన్‌ భుటోరియా అన్నారు. శుక్రవారం ట్రంప్‌-బైడెన్‌ల మధ్య జరిగిన ఆఖరి చర్చలో.. భారత్‌కు మిత్రుడెవరో, శత్రువు ఎవరో తేలిపోయిందన్నారు.  భారతీయ అమెరికన్లకు బైడెన్‌, హారిస్‌లతో గాఢమైన అనుబంధం ఉందని ఆయన తెలిపారు. తాజా సర్వేల్లో కూడా 80 శాతం భారతీయ అమెరికన్లు వారి పక్షానే ఉన్నట్టు వెల్లడైందని ఆయన వివరించారు.

ఆమె ఇక్కడి భారతీయుల ప్రతినిధి

కాలిఫోర్నియా రాష్ట్ర శాసన సభ్యురాలు ఆష్‌ కల్రా మాట్లాడుతూ.. తనకు కమల, ఆమె సోదరి మాయ రెండు దశాబ్దాలుగా తెలుసన్నారు. కమల తన భారతీయ వారసత్వం పట్ల గర్వపడతారని.. ఉపాధ్యక్షురాలిగా ఆమె ఇండియన్‌ అమెరికన్లకు ప్రతినిధి కాగలరని అన్నారు. ఇక   అపార అనుభవమున్న బైడెన్‌ ఇక్కడి భారతీయుల అవసరాలను, భావాలను అర్థం చేసుకున్నారన్నారు.

ఈ సందర్భంగా ‘దేశీ బ్లూ’ ప్రతినిధి అదితి పాల్‌, కాలిఫోర్నియా రాష్ట్ర మాజీ వాటర్‌ కమిషనర్‌ అశోక్‌ భట్‌, ‘సౌత్‌ ఆసియన్స్‌ ఫర్‌ బిడెన్‌’ ప్రతినిధి నేహా దేవన్‌ తదితరులు కూడా తమ మద్దతు బైడెన్‌-హారిస్‌లకే అని స్పష్టం చేశారు.

Read latest Nri News and Telugu News

 Follow us on Facebook, Twitter, Instagram, Koo, ShareChat and Google News. Subscribe our Telegram Channel.

Advertisement

Tags :

మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

క్రీడలు

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జాతీయం

మరిన్ని