Updated : 28/11/2020 14:54 IST

బాలుడి పెయింటింగ్‌.. పరవశించిన హారిస్‌

 

వాషింగ్టన్‌: అమెరికా ఉపాధ్యక్షురాలిగా ఎన్నికైన కమలా హారిస్‌  ఫోన్‌ కాల్‌తో ఓ 14 ఏళ్ల బాలుడు ఆనందంలో తడిసి ముద్దయ్యాడు. పెయింటర్‌ అయిన ఆ బాలుడికి ఫోన్‌ చేసి హారిస్‌ హృదయపూర్వక ధన్యవాదాలు తెలిపారు. అమెరికాలోని బే ప్రాంతానికి చెందిన 14 ఏళ్ల టేలర్‌ గోర్డన్‌ తన ప్రతిభతో కాన్వాస్‌ బోర్డుపై కమలా హారిస్‌ చిత్రాన్ని గీశాడు. అందుకు సంబంధించిన ఓ వీడియోను ట్విటర్‌లో పోస్టు చేస్తూ ‘కమలా హారిస్‌ గారూ నా పేరు టేలర్‌ గోర్డన్‌. నాకు 14 ఏళ్లు. నేను మీ చిత్రాన్ని గీశాను. మీకు ఇది నచ్చుతుందని ఆశిస్తున్నా’ అంటూ ట్వీట్ చేశాడు. ఆమెకు చేరేలా ఆ ట్వీట్‌ను రీట్వీట్‌, ట్యాగ్‌, షేర్‌ చేయాలని నెటిజన్లను కోరాడు.

అమెరికా మాజీ అధ్యక్షుడు బిల్‌ క్లింటన్‌ కుమార్తె, రచయిత్రి చల్సియా క్లింటన్‌తోపాటు అనేకమంది ఆ ట్వీట్‌ను షేర్‌ చేశారు. దీంతో అది కాస్త కమలా హారిస్‌ వద్దకు చేరింది. ఆనందం వ్యక్తం చేసిన ఆమె... ఆ బాలుడికి ఫోన్‌ చేసి సర్‌ప్రైజ్‌ చేశారు. ‘టేలర్‌ అద్భుతమైన పనితనం చూపించావు. నువ్వు గీసిన చిత్రాన్ని చూసి పరవశించిపోయాను. నాకు అది ఎంతో అపురూపమైన బహుమతి. త్వరలోనే నిన్ను కలుస్తా. నీ ప్రతిభకు ఓ బహుమతి అందిస్తా’ అని ఆ బాలుడితో అన్నారు. హారిస్‌ ఫోన్‌తో ఉబ్బితబ్బిబ్బయిన బాలుడు సైతం ఆమెకు ధన్యవాదాలు తెలిపాడు. ఆమెను కలిసేందుకు ఆసక్తిగా ఎదురుచూస్తున్నట్లు పేర్కొన్నాడు. తన వీడియో హారిస్‌ వరకూ చేరేలా చేసిన ప్రతిఒక్కరికి కృతజ్ఞతలు తెలిపాడు. ఆ బాలుడు పెట్టిన పోస్టు, వారి మధ్య జరిగిన ఫోన్‌ సంభాషణ వీడియో ప్రస్తుతం సోషల్‌ మీడియాలో వైరలవుతున్నాయి.
 




Read latest Nri News and Telugu News

 Follow us on Facebook, Twitter, Instagram, Koo, ShareChat and Google News. Subscribe our Telegram Channel.

Advertisement

Tags :

మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

క్రీడలు

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జాతీయం

మరిన్ని