అక్టోబర్‌లో అమెరికా తెలుగు సాహితీ సదస్సు.. వ్యాసాలు పంపేందుకు ఆగస్టు 30వరకే ఛాన్స్‌!

కాలిఫోర్నియా: అమెరికాలోని మిల్పిటస్‌ నగరం, కాలిఫోర్నియాలో అక్టోబర్ 21, 22 తేదీల్లో జరగనున్న 13వ అమెరికా తెలుగు సాహితీ సదస్సుకు సంబంధించి తమ ప్రకటనలకు, వ్యక్తిగత ఆహ్వానాలకు వచ్చిన అనూహ్య స్పందన ఎంతో ఉత్సాహాన్ని కలిగిస్తోందని నిర్వాహకులు తెలిపారు.  వంగూరి ఫౌండేషన్ ఆఫ్ అమెరికా, సిలికానాంధ్ర విశ్వవిద్యాలయం సంయుక్త నిర్వహణలో జాతీయ స్థాయిలో నెలకొల్పిన కార్యనిర్వాహక వర్గం సదస్సు ఉన్నత స్థాయిలో నిర్వహించేందుకు ఏర్పాట్లు ప్రారంభించిందని.. త్వరలోనే  పూర్తి  విశేషాలు, సమాచారం అందిస్తామని తెలిపారు.  ఇప్పటివరకు ప్రసంగ ప్రతిపాదనలు, సభా విశేష సంచికలో ప్రచురణ కోసం ప్రపంచవ్యాప్తంగా తమ వ్యాసాలు, ప్రతిపాదనలు పంపిన అందరికీ కృతజ్ఞతలు తెలిపారు. సంక్షిప్త వ్యాసాలు మాత్రమే పంపినవారికి, సదస్సులో వ్యక్తిగతంగా పాల్గొని ప్రసంగించాలనుకున్న వక్తలకు, ప్రచురణార్థం పరిశోధనా వ్యాసాలు పంపించాలనుకున్న వారంతా తమ వ్యాసాలను ఆగస్టు 25 నుంచి 30 లోపు పంపించాలని విజ్ఞప్తి చేశారు.

ఆ తర్వాత అందిన ప్రసంగ ప్రతిపాదనలు,  వ్యాసాలు పరిశీలనలోకి తీసుకోలేమని చెప్పారు. అందువల్ల ఇదే తమ చివరి విన్నపంగా పరిగణించి స్పందించాలని కోరారు. సంక్షిప్త వ్యాసాలు మాత్రమే పంపిన వారికి తమ పూర్తి వ్యాసాలు వెనువెంటనే తమకు అందించాలని మరోసారి కోరుతున్నామన్నారు. సదస్సు వివరాల కోసం  అందించమని మరొక సారి కోరుతున్నాం. ప్రసంగ ప్రతిపాదనలు, పూర్తి వ్యాసాలను తాటిపాముల మృత్యుంజయుడు: E-mail: thatipam@gmail.com, WhatsApp: 1 (408) 386-2909; శాయి రాచకొండ:  E-mail: sairacha@gmail.com, WhatsApp: (281) 235-6641; వంగూరి చిట్టెన్ రాజు: E-mail: vangurifoundation@gmail.com: WhatsApp: 832 594 9054 పంపించాలని నిర్వాహకులు కోరారు.