Canada: తెలంగాణ కెనడా అసోసియేషన్ ఆధ్వర్యంలో ఘనంగా ధూమ్ ధామ్ వేడుకలు

టోరంటో: తెలంగాణ ఆవిర్భావ వేడుకల్లో భాగంగా... తెలంగాణ కెనడా అసోసియేషన్ (TCA) ఆధ్వర్యంలో గ్రేటర్ టోరంటో నగరంలో ‘ధూమ్‌ ధామ్‌ 2023’ ఉత్సవాలను ఘనంగా నిర్వహించారు. అనాపిలిస్ హాల్స్, మిస్సిసాగా, కెనడాలో నిర్వహించిన ఈ వేడుకల్లో దాదాపు 1500కు పైగా తెలంగాణ వాసులు పాల్గొన్నారు. ఈ సంబరాలను తెలంగాణ కెనడా అసోసియేషన్‌ కార్యదర్శి శంతన్‌ నేరళ్లపల్లి ప్రారంభించగా.. లావణ్య ఏళ్ల, అనూష ఇమ్మడి, స్వాతి అర్గుల, రాధిక దువాయి, రజిని తోట తదితరులు జ్యోతి ప్రజ్వలన చేశారు. ఈ సందర్భంగా తెలంగాణ కెనడా అసోసియేషన్ అధ్యక్షుడు శ్రీనివాస్ మన్నెం, ధర్మకర్తల మండలి చైర్మన్ నవీన్ ఆకుల, వ్యవస్థాపక కమిటీ ఛైర్మన్‌ అతిక్ పాషా తదితరులు వేదికపై ఆశీనులయ్యారు.

వేడుకల ప్రారంభం సందర్భంగా అమర వీరులకు శ్రద్ధాంజలి ఘటించారు. ఈ సంవత్సరం మునుపెన్నడు లేనట్టుగా చిన్నారులకు టాలెంట్ షో నిర్వహించారు. దీనికి చిన్నారుల నుంచి అనూహ్యమైన స్పందన లభించింది. చిన్నారులు సింగింగ్, డాన్సింగ్, రూబిక్స్ క్యూబ్ మరియు మెంటల్ మ్యాథ్స్ తదితర విభాగాల్లో వారి నైపుణ్యాన్ని ప్రదర్శించారు. ఈ కార్యక్రమానికి గుప్తేశ్వరి వాసుపిల్లి, మాధురు చాతరాజు వ్యాఖ్యాతలుగా, ఉమా సలాడి, లక్ష్మీ సంధ్య, భరత్, మనస్విని న్యాయ నిర్ణేతలుగా వ్యవహరించారు.

ఈ షోలో గెలుపొందిన వారికి విష్ణు బోడ (రియల్టర్) బహుమతులను అందజేశారు. చిన్నారులను వారి వయసును బట్టి రెండు గ్రూపులుగా విభజించారు. అనికా శ్యామల, సాయి స్నిగ్ధ తంగిరాల ప్రథమ స్థానం సాధించగా.. ఆకాంక్ష , శివాన్ష్ దవల రెండో స్థానంలో నిలిచారు. జడ్జెస్ స్పెషల్ చాయిస్‌గా ఆర్యన్ పొనుగంటి, శ్రీతన్ పూల, మాన్య నాగబండి, శ్రీరామదాసు అరుగుల, విద్వాన్ష్ రాచకొండ గెలుపొందారు. నాలుగు గంటల పాటు సాగిన ఈ కార్యక్రమం మహిళా కమిటీ సభ్యులు రాధికా బెజ్జంకి మాధురి చాతరాజు ఆధ్వర్యంలో విజయవంతంగా జరిగింది. అనంతరం ప్రహళిక మ్యాకల, రాహుల్ బాలనేని, ధాత్రి అంబటి, స్ఫూర్తి కొప్పు వ్యాఖ్యాతలుగా సాంస్కృతిక కార్యక్రమలను ప్రారంభించారున. దీనికి బెస్ట్ బ్రెయిన్ ఎడ్యుకేషన్ ట్యూటరింగ్ సంస్థలు స్పాన్సర్ చేశాయి.

ఈ వేడుకలకు ముఖ్యఅతిథిగా విచ్చేసిన కెనడా కాన్సుల్‌-కాన్సులేట్‌ జనరల్‌ ఆఫ్‌ ఇండియా శుభన్ క్రిషన్ మాట్లాడుతూ తెలంగాణ ఆవిర్భావ దినోత్సవ సందర్భంగా TCA నిర్వహిస్తున్న కార్యక్రమాలను ప్రశంసించారు. సాంస్కృతిక విభాగంలో పాల్గొన్న చిన్నారులను ప్రోత్సహించినందుకు TCAను అభినందించారు. అనంతరం అధ్యక్షుడు శ్రీనివాస్ మన్నెం మాట్లాడుతూ.. TCA ఈవెంట్స్ స్పాన్సర్లకి, నిర్వాహకులకు ప్రత్యేక అభినందనలు తెలిపారు. సాంస్కృతిక కార్యక్రమాలతోపాటు TCA స్థానిక వ్యాపారాన్ని కూడా ప్రోత్సహిస్తుంది. ఇందులో భాగంగా 16 విభిన్నమైన వెండర్ స్టాల్స్‌ని ఈ కార్యక్రమంలో ఏర్పాటు చేశారు. 

ఈ కార్యక్రమంలో కార్యనిర్వాహక మండలి అధ్యక్షుడు శ్రీనివాస్ మన్నెం, కార్యదర్శి శంతన్ నేరళ్లపల్లి, సంయుక్త సాంస్కృతిక కార్యదర్శి ప్రహళిక మ్యాకల, కోశాధికారి వేణుగోపాల్ ఏళ్ల, సంయుక్త కోశాధికారి రాహుల్ బాలనేని, డైరెక్టర్లు నాగేశ్వరరావు దలువాయి,  ప్రవీణ్ కుమార్ సామల, ప్రణీత్ పాలడుగు, శంకర్ భరద్వాజ పోపూరి, భగీరథ దాస్ అర్గుల, యూత్ డైరెక్టర్ ధాత్రి అంబటి, ధర్మకర్తల మండలి ఛైర్మన్ నవీన్ ఆకుల, బోర్డ్ ఆఫ్ ట్రస్ట్ సభ్యులు మురళి సిరినేని, మురళీధర్ కందివనం, మాధురి చాతరాజు, వ్యవస్థాపక కమిటీ ఛైర్మన్‌ అతిక్ పాషా, వ్యవస్థాపక సభ్యులు దేవేందర్ రెడ్డి గుజ్జుల, కోటేశ్వర రావు చిత్తలూరి, ప్రకాష్ చిట్యాల, శ్రీనివాస తిరునగరి, హరి రావుల్, కలీముద్దీన్ మొహమ్మద్, ప్రభాకర్ కంబాలపల్లి, సంతోష్ గజవాడ, విజయ్ కుమార్ తిరుమలపురం, రాజేశ్వర్ ఈధ, వేణుగోపాల్ రోకండ్ల, పలువురు సంస్థ శ్రేయోభిలాషులు పాల్గొన్నారు. కెనడా తెలంగాణ అసోసియేషన్(TCA) విందు ఏర్పాట్లు ఘనంగా జరిగింది.