బసవతారకం ఆసుపత్రికి వీల్ చైర్ల వితరణ

30 వీల్‌చైర్లను అందించిన ఎన్నారై  పొట్లూరి రవి 

హైదరాబాద్‌ :  హైదరాబాద్ బంజారాహిల్స్ లోని బసవతారకం ఇండో అమెరికన్  క్యాన్సర్ ఆసుపత్రిలో భారత స్వాతంత్ర్య దినోత్సవ వేడుకలు ఘనంగా జరిగాయి. 75వ భారత స్వాతంత్ర్య దినోత్సవ వేడుకల సందర్భంగా మంగళవారం ఏర్పాటు చేసిన కార్యక్రమంలో ఎన్నారై  పొట్లూరి రవి బసవతారకం క్యాన్సర్ ఆసుపత్రికి 30 వీల్‌ చైర్లను అందజేశారు. 

ఈ సందర్భంగా ఆసుపత్రి ఛైర్మన్ నందమూరి బాలకృష్ణ  ప్రవాసభారతీయుడు పొట్లూరి రవి కుటుంబసభ్యులను సాదరంగా ఆహ్వానించారు. ఆసుపత్రిలోని 500 పైగా రోగులకు బ్రెడ్ పాకెట్లను పంపిణీ చేశారు. అనంతరం బాలకృష్ణ ఆధ్వర్యంలో 30 వీల్ చైర్లను అందించారు. చేతన ఫౌండేషన్ సహకారంతో జరిగిన కార్యక్రమంలో ఫౌండేషన్ ఛైర్మన్ రవి వెనిగళ్ల, కోఆర్డినేటర్ రంగారావు, ముప్పా రాజశేఖర్, పొట్లూరి కృష్ణారావు తదితరులు పాల్గొన్నారు.