Published : 25 Jan 2021 10:46 IST

మరో నలుగురు భారతీయ-అమెరికన్లకు కీలక పదవులు

వాషింగ్టన్‌: అమెరికా ప్రభుత్వంలో మరికొంత మంది భారతీయ అమెరికన్లకు కీలక పదవులు దక్కాయి. కీలకమైన ఇంధన శాఖలో నలుగురు భారతీయ అమెరికన్లను నియమిస్తూ అధ్యక్షుడు జో బైడెన్‌ ఉత్తర్వులు జారీ చేశారు. తారిక్‌ షా చీఫ్‌ ఆఫ్‌ స్టాఫ్‌గా వ్యవహరించనున్నారు. ఆఫీస్‌ సైన్స్‌లో చీఫ్‌ ఆఫ్‌ స్టాఫ్‌ పదవిని తన్యా దాస్‌ చేపట్టనున్నారు. ఆఫీస్‌ ఆఫ్‌ జనరల్‌ కౌన్సిల్‌లో నారాయణ్‌ సుబ్రమణియన్‌ న్యాయ సలహాదారుగా వ్యవహరించనుండగా.. షుచి తలతి ఫాజిల్‌ ఎనర్జీ విభాగంలో చీఫ్‌ ఆఫ్‌ స్టాఫ్‌గా వ్యవహరించనున్నారు. వీరితో పాటు వివిధ దేశాల మూలాలున్న 19 మందిని ఇంధన విభాగంలోని ఇతర పదవులకు ఎంపిక చేశారు. 

శుద్ధ ఇంధన దిశగా అమెరికా వడివడిగా అడుగులు వేస్తున్న తరుణంలో కీలక పదవులు భారతీయ అమెరికన్ల చేతికి చిక్కడం ప్రాధాన్యం సంతరించుకుంది. వాతావరణ మార్పులు విషయంలో పటిష్ఠ చర్యలు చేపట్టాలన్న బైడెన్‌ లక్ష్య ఛేదనలో ఇంధన విభాగం ప్రధాన పాత్ర పోషించనుంది. తారక్‌ షా 2014-17 మధ్య సైన్స్‌ అండ్‌ ఎనర్జీ విభాగంలో అండర్‌ సెక్రటరీ చీఫ్‌ స్టాఫ్‌గా వ్యవహరించారు. ఒబామా సెనేట్‌, అధ్యక్ష ఎన్నికల ప్రచార బృందంలో కీలక పాత్ర పోషించారు.

ఇవీ చదవండి...

అమల్లోకి బైడెన్‌ ఆర్థిక ప్రణాళిక 

అమెరికాలో కొత్త ఆశలకు రెక్కలు

Read latest Nri News and Telugu News

Follow us on Facebook, Twitter, Instagram, Koo, ShareChat, and Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts

ఎక్కువ మంది చదివినవి (Most Read)

మరిన్ని