Published : 23 Feb 2020 18:48 IST

మరో 4 దేశాల ప్రయాణికులకూ కొవిడ్‌ స్క్రీనింగ్‌

దిల్లీ: భారత విమానాశ్రయాల్లో మరో నాలుగు దేశాల ప్రయాణికులకూ కొవిడ్ పరీక్షలను విస్తరింపజేస్తూ డెరెక్టరేట్‌ జనరల్‌ ఆఫ్‌ సివిల్‌ ఏవియేషన్‌‌(డీజీసీఏ) ఆదివారం నిర్ణయం తీసుకుంది. నేపాల్‌, ఇండోనేషియా, వియత్నాం, మలేషియా దేశాల నుంచి వచ్చే వారికి సైతం విమానాశ్రయాల్లో స్క్రీనింగ్‌ పరీక్షలు నిర్వహించాలని ఆ సంస్థ విమానాశ్రయాలను ఆదేశించింది. ఈ మేరకు డీజీసీఏ ఓ ప్రకటనలో వెల్లడించింది. ప్రస్తుతం చైనా, హాంగ్‌కాంగ్‌, దక్షిణకొరియా, జపాన్‌, థాయ్‌లాండ్‌, సింగపూర్‌ ఈ ఆరు దేశాల నుంచి వచ్చే వారికి స్క్రీనింగ్‌ నిర్వహిస్తున్న విషయం తెలిసిందే. ఈ ఆరు దేశాలతో పాటు ఇప్పుడు కొత్తగా నాలుగు ఆసియా దేశాల ప్రయాణికులకు కూడా స్క్రీనింగ్‌ నిర్వహించాలని నిర్ణయించింది.

కొవిడ్‌ సోకిన ప్రయాణికులు దేశంలోకి ప్రవేశించకుండా అడ్డుకోవడానికి విమానాశ్రయాల్లో ఆరోగ్య అధికారులు స్క్రీనింగ్‌ పరీక్షలు నిర్వహిస్తున్నారు. ఎవరైనా ప్రయాణికుడి మీద అనుమానం కలిగితే  14 రోజుల పాటు పరీక్షా కేంద్రానికి తరలిస్తున్నారు. కాగా చైనాలో విజృంభిస్తున్న కొవిడ్‌-19 కారణంగా ఇప్పటివరకు దాదాపు 2,500 మంది మరణించినట్లు అక్కడి అధికారులు వెల్లడించారు. మరో 80వేల మంది ఈ వ్యాధి బారిన పడినట్లు సమాచారం. ఈ విష మహమ్మారి కారణంగా భారత్‌లో ఇప్పటివరకూ ఒక్క మరణం కూడా సంభవించలేదు. 
 

Read latest Nri News and Telugu News

 Follow us on Facebook, Twitter, Instagram, Koo, ShareChat and Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts