Updated : 02/01/2021 11:18 IST

అమెరికా కలలపై అశనిపాతం

హెచ్‌-1బీ వీసాలపై మరో మూడు నెలల నిషేధం
ట్రంప్‌ తాజా నిర్ణయంతో భారతీయ నిపుణులపై తీవ్ర ప్రభావం

వాషింగ్టన్‌: అమెరికాలో ఉద్యోగం చేయాలని కలలు కనే భారతీయ ఐటీ నిపుణులకు మరో అశనిపాతం లాంటి వార్త. హెచ్‌-1బీ వీసాలపై ఉన్న నిషేధాన్ని మరో మూడు నెలలు పొడిగిస్తూ అధ్యక్షుడు ట్రంప్‌ ఉత్తర్వులు జారీ చేశారు. దీంతోపాటు గ్రీన్‌కార్డులు, ఇతర వర్క్‌ వీసాలపైనా మార్చి 31 వరకూ నిషేధం కొనసాగనుంది. ఆ వీసాలపై గతేడాది ఏప్రిల్‌, జూన్‌ మాసాల్లో రెండు దఫాలుగా విధించిన ఆంక్షల గడువు డిసెంబరు 31తో ముగిసిన నేపథ్యంలో శుక్రవారం ట్రంప్‌ తాజా నిర్ణయం తీసుకున్నారు. దీని ఫలితంగా అమెరికాలో ఉద్యోగాన్ని ఆశించేవారు హెచ్‌-1బీ వీసా స్టాంపింగ్‌ కోసం మరో మూడు నెలలు వేచిచూడక తప్పదు. ఇప్పటికే అమెరికాలో ఉద్యోగం చేస్తున్న ప్రవాసుల మీదా దీని ప్రభావం ఉండబోతోంది. హెచ్‌-1బీ వీసా రెన్యువల్‌ చేయించుకోవడంలో వారికి జాప్యం జరిగే పరిస్థితి ఏర్పడింది. అమెరికా సంస్థలు విదేశీ నిపుణులను నియమించుకోవడానికి వీలు కల్పించే హెచ్‌-1బీ వీసాలపై నిషేధంతో భారతీయులపైనే ఎక్కువ ప్రభావం పడుతుంది. ఈ వీసాల ద్వారా లక్షల మంది భారతీయులు అక్కడ ఉద్యోగాలు చేస్తున్నారు. కాగా అమెరికా ఉద్యోగ రంగంపై కొవిడ్‌-19 ప్రభావం ఇంకా కొనసాగుతోందని, తమ దేశ ఉద్యోగుల భద్రత కోసమే వీసాల నిషేధాన్ని పొడిగించామని ట్రంప్‌ పేర్కొన్నారు. 20 రోజుల్లో గద్దె దిగిపోనున్న సమయంలో ట్రంప్‌ తీసుకున్న ఈ తాజా నిర్ణయంపై నూతన అధ్యక్షుడిగా ఎన్నికైన బైడెన్‌ విమర్శలు గుప్పించారు. ట్రంప్‌ వీసా విధానాలు క్రూరంగా ఉన్నాయని వ్యాఖ్యానించిన బైడెన్‌, తాను పదవిలోకి వచ్చాక హెచ్‌-1బీ వీసాలపై నిషేధాన్ని రద్దు చేస్తానని హామీ ఇచ్చారు.


Read latest Nri News and Telugu News

 Follow us on Facebook, Twitter, Instagram, Koo, ShareChat and Google News. Subscribe our Telegram Channel.

Advertisement

Tags :

మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

క్రీడలు

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జాతీయం

మరిన్ని