Updated : 18 Jan 2021 07:14 IST

బైడెన్‌-హారిస్‌కు ముగ్గులతో స్వాగతం

ప్రమాణస్వీకారం సందర్భంగా భారతీయ అమెరికన్ల ఏర్పాట్లు

వాషింగ్టన్‌: స్వాగతానికి, సానుకూలతకు ప్రతిబింబాలైన భారతీయ ముగ్గులు ప్రస్తుతం అమెరికాలో అందరినీ ఆకట్టుకుంటున్నాయి. ఈనెల 20న నూతన అధ్యక్ష, ఉపాధ్యక్షులు జో బైడెన్‌, కమలా హారిస్‌ ప్రమాణ స్వీకారోత్సవాన్ని పురస్కరించుకొని వందలాది భారతీయ అమెరికన్లు ముగ్గులతో వారికి స్వాగతం పలుకుతున్నారు. టైల్స్‌పై సహజ రంగులతో ముగ్గులేసి వాటిని వాషింగ్టన్‌కు పంపుతున్నారు. శ్వేతసౌధం ముందు వేలాది ముగ్గుల టైల్స్‌ పరచి కొత్త అధ్యక్షుడికి శుభాకాంక్షలు తెలిపే ఏర్పాట్లలో ఉన్నామని ‘అమెరికా ముగ్గుల బృందం 2021’ సభ్యురాలు సౌమ్య సోమనాథ్‌ చెప్పారు. శనివారం నాటికే వేలాది ముగ్గులు పూర్తి చేసి వాటిని వర్చువల్‌గా ప్రదర్శించారు. కాలిఫోర్నియా, బోస్టన్‌, న్యూజెర్సీతో పాటు చాలా ప్రాంతాల నుంచి వాషింగ్టన్‌కు చేరుకుంటున్నాయి. ముగ్గుల ప్రదర్శనకు తొలుత వాషింగ్టన్‌ డీసీ పోలీసులు సైతం అనుమతి ఇచ్చారు. అయితే ట్రంప్‌ మద్దతుదారుల దాడుల భయంతో ప్రస్తుతం అక్కడ భారీ భద్రతా ఏర్పాట్లు చేస్తుండటంతో అనుమతి రద్దు చేశారు. బైడెన్‌ ప్రమాణస్వీకారం తర్వాత తమ కార్యక్రమానికి కచ్చితంగా అనుమతి లభిస్తుందని సౌమ్య చెప్పారు. ‘అందరి అధ్యక్షుడు’గా బైడెన్‌ అమెరికాను నడిపించాలన్నదే ఈ కార్యక్రమం ఉద్దేశమని డెమోక్రాట్‌ పార్టీ నిధుల సేకరణ బృందంలో కీలక సభ్యుడైన శేఖర్‌ నరసింహన్‌ తెలిపారు.

Read latest Nri News and Telugu News

Follow us on Facebook, Twitter, Instagram, Koo, ShareChat, and Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts

ఎక్కువ మంది చదివినవి (Most Read)

మరిన్ని