Published : 02 Apr 2021 08:43 IST

భారీ పెట్టుబడులకు బైడెన్‌ ప్రణాళిక

 2.3 ట్రిలియన్‌ డాలర్ల ప్యాకేజీ ప్రకటన 

వాషింగ్టన్‌: తరానికి ఒకసారి మాత్రమే వెచ్చించే అతి భారీ పెట్టుబడుల ప్రణాళికను తాము తీసుకొస్తున్నట్టు అమెరికా అధ్యక్షుడు జో బైడెన్‌ ప్రకటించారు. ఈ మేరకు 2.3 ట్రిలియన్‌ డాలర్ల విలువైన (సుమారు రూ.168 లక్షల కోట్ల) పెట్టుబడులను ప్రతిపాదించారు. మౌలిక సదుపాయాలను ఆధునికీకరించేందుకూ; వాతావరణ మార్పుల కారణంగా ఎదురవుతున్న సవాళ్లను సమర్థంగా ఎదుర్కొనేందుకూ; పోటీ ప్రపంచంలో అమెరికాను దీటుగా నిలిపేందుకూ ఈ ప్రణాళిక ఇతోధికంగా దోహదపడుతుందని ఆయన పేర్కొన్నారు. పెన్సిల్వేనియాలోని పీట్స్‌బర్గ్‌ నుంచి గురువారం జాతినుద్దేశించి ప్రసంగించారు. ‘‘మహమ్మారి కారణంగా దెబ్బతిన్న ఆర్థిక వ్యవస్ధకు జవసత్వాలు తెచ్చేందుకు ఇటీవలే 1.9 ట్రిలియన్‌ డాలర్ల ఉద్దీపన ప్యాకేజీని ప్రకటించాం. రాబోయే ఎనిమిదేళ్లలో మౌలిక రంగాన్ని అభివృద్ధి చేసేందుకు 2.3 ట్రిలియన్‌ డాలర్ల ప్రతిపాదనలు చేస్తున్నాం. రెండో ప్రపంచ యుద్ధం తర్వాత... అమెరికాలో అతిపెద్ద ఉద్యోగాల కల్పన పెట్టుబడి ఇదే. ఈ ప్రణాళిక అమలైతే నాలుగేళ్లలో 1.8 కోట్ల అధిక వేతన ఉద్యోగాలు సృష్టించవచ్చు’ అని బైడెన్‌ చెప్పారు.

Read latest Nri News and Telugu News

 Follow us on Facebook, Twitter, Instagram, Koo, ShareChat and Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

క్రీడలు

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జాతీయం

మరిన్ని