Updated : 24 May 2021 06:22 IST

తెలుగు వచ్చిన వారికి అమెరికాలో ఉద్యోగ అవకాశాలు

తానా అధ్యక్షుడు జయశేఖర్‌

ఈనాడు, అమరావతి: అమెరికాలో వేగంగా విస్తరిస్తున్న భాషల్లో తెలుగు ముందుందని, తెలుగు వచ్చిన వారికి భవిష్యత్తులో అమెరికాలో ఉద్యోగ అవకాశాలు వస్తాయని తానా అధ్యక్షుడు తాళ్లూరు జయశేఖర్‌ తెలిపారు. ‘తెలుగు కూటమి’ భాషోద్యమ సంస్థ ఏర్పాటై ఏడాది పూర్తి చేసుకున్న సందర్భంగా ‘రచ్చబండ ఊసులు’ పేరిట వర్చువల్‌గా సమావేశం నిర్వహించారు. ఈ సందర్భంగా జయశేఖర్‌ మాట్లాడుతూ...‘తానా సంస్థ తెలుగు భాష, సంస్కృతి పరిరక్షణకు అయిదు దశాబ్దాలుగా విశేష కృషి చేస్తోంది. తానా పాఠశాల వేదిక ద్వారా ‘ఎల్లలు లేని తెలుగు ఎప్పటికీ వెలుగు’ కార్యక్రమం కింద 10వేల మంది బయటి రాష్ట్రాల విద్యార్థులు తెలుగు నేర్చుకుంటున్నారు’ అని వివరించారు. ‘తెలుగు కూటమి’ వ్యవస్థాపకుడు కోదండరామయ్య మాట్లాడుతూ.. తెలుగులో నామఫలకాలు రాయించిన వారికి  రూ.5వేలు, మంచి ఉద్యమ గీతానికి రూ.వెయ్యి, తెలుగు నినాదానికి రూ.500 వంతున కూటమి తరఫున ఇవ్వనున్నట్లు ప్రకటించారు. వాణిజ్య సంస్థలు తమ ఉత్పత్తుల వివరాలను తెలుగులోనే ఉంచాలని కోరాలని, దీంతో భాష నేర్చుకున్న వారికి ఉద్యోగ అవకాశాలు పెరుగుతాయని తెలుగు సాంకేతిక నిపుణుడు వీవెన్‌ తెలిపారు.

Read latest Nri News and Telugu News

Follow us on Facebook, Twitter, Instagram, Koo, ShareChat, and Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts

ఎక్కువ మంది చదివినవి (Most Read)

మరిన్ని