Published : 30/07/2021 11:31 IST

USA: ఏటా 20 లక్షల కొత్త ఉద్యోగాలు వచ్చే అవకాశం

అమెరికాలో మౌలిక వసతులకు మహర్దశ

రూ.75 లక్షల కోట్ల ప్రణాళికకు సెనేట్‌ ఆమోదం 

వాషింగ్టన్‌: అమెరికాలో మౌలిక సదుపాయాలను మరింత మెరుగుపర్చే దిశగా కీలక ముందడుగు పడింది. దాదాపు రూ.75 లక్షల కోట్ల (1 ట్రిలియన్‌ డాలర్లు) విలువైన జాతీయ మౌలిక వసతుల ప్రణాళికను ముందుకు తీసుకెళ్లేందుకు సెనేట్‌ ప్రాథమికంగా ఆమోదం తెలిపింది. దేశాధ్యక్షుడు జో బైడెన్‌ ఈ ప్రణాళికను ప్రతిష్ఠాత్మకంగా భావిస్తున్నారు. రిపబ్లికన్లు అభ్యంతరం వ్యక్తం చేస్తుండటంతో దాని అమలుపై కొన్నాళ్లుగా అనిశ్చితి నెలకొంది. నిధుల వ్యయానికి సంబంధించి కొన్ని నిబంధనలను సవరించేందుకు ప్రభుత్వం అంగీకరించడంతో.. 67-32 ఓట్ల తేడాతో దానికి తాత్కాలిక ఆమోద ముద్ర లభించింది. సెనేట్‌లో రిపబ్లికన్లు, డెమొక్రాట్ల బలం 50-50గా ఉంది. తాజా ప్రణాళికకు తుది ఆమోదం లభించేందుకు కనీసం 60 మంది సభ్యుల మద్దతు అవసరం. తుది ఆమోదం విషయంలో రిపబ్లికన్లు ఎంతమేరకు సహకరిస్తారన్నదానిపై ప్రస్తుతానికి స్పష్టత లేదు. 1 ట్రిలియన్‌ డాలర్ల విలువైన ఈ ప్రణాళిక అమలైతే.. అమెరికాలో దశాబ్ద కాలం పాటు ఏటా 20 లక్షల కొత్త ఉద్యోగాలు పుట్టుకొచ్చే అవకాశాలున్నాయి. 

Read latest Nri News and Telugu News

 Follow us on Facebook, Twitter, Instagram, Koo, ShareChat and Google News. Subscribe our Telegram Channel.

Advertisement

Tags :

మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

క్రీడలు

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జాతీయం

మరిన్ని