మాతృభూమికి మరింత సేవ చేయండి:ఎన్నారైలకు ఉప రాష్ట్రపతి, ప్రధాని శుభాకాంక్షలు

ప్రవాస భారతీయులు ద్విగుణీకృత ఉత్సాహంతో మాతృభూమికి మరింత సేవ చేయాలని ఉప రాష్ట్రపతి ఎం.వెంకయ్యనాయుడు కోరారు.

Published : 10 Jan 2022 10:15 IST

దిల్లీ: ప్రవాస భారతీయులు ద్విగుణీకృత ఉత్సాహంతో మాతృభూమికి మరింత సేవ చేయాలని ఉప రాష్ట్రపతి ఎం.వెంకయ్యనాయుడు కోరారు. ‘ప్రవాస భారతీయ దినోత్సవం’ సందర్భంగా అందరికీ శుభాకాంక్షలు తెలుపుతూ మన దేశ సాంస్కృతిక రాయబారులుగా విదేశాల్లో వ్యవహరించాలని ఆయన సూచించారు. ఈ మేరకు ఉప రాష్ట్రపతి కార్యాలయం ఆదివారం ట్వీట్‌ చేసింది. ‘ప్రపంచం నలుమూలలకు విస్తరించిన ప్రవాస భారతీయుల విజయాలు.. మూలాలకు వారు కట్టుబడి ఉన్న విధానం మనకు గర్వకారణం’ అని ప్రధానమంత్రి నరేంద్ర మోదీ, విదేశీ వ్యవహారాల శాఖ మంత్రి ఎస్‌.జైశంకర్‌ ట్వీట్లు చేశారు. భారతదేశాన్ని తతిమ్మా ప్రపంచంతో అనుసంధానం చేస్తున్న ఓ జీవ వంతెనలా ప్రవాస భారతీయులు కృషి చేస్తున్నారని విదేశీ వ్యవహారాల శాఖ సహాయ మంత్రి వి.మురళీధరన్‌ ప్రశంసించారు. ప్రవాస భారతీయ దివస్‌ యువజన సదస్సును ఉద్దేశించి ఆయన మాట్లాడుతూ.. సైన్స్‌ అండ్‌ టెక్నాలజీ రంగంలో ప్రవాసులతో కలిసి పనిచేసేందుకు కేంద్ర ప్రభుత్వం పలు చర్యలు తీసుకుంటోంది’ అన్నారు. 1915లో ఇదే తేదీన (జనవరి 9) మహాత్మాగాంధీ దక్షిణాఫ్రికా నుంచి భారత్‌కు తిరిగివచ్చి.. చరిత్ర సృష్టించారు. ఆ రోజుకు గుర్తుగా ఏటా ప్రబాస భారతీయ దినోత్సవం నిర్వహిస్తున్నారు.

Read latest Nri News and Telugu News

Follow us on Facebook, Twitter, Instagram & Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts