భారతీయ అమెరికన్ చిన్నారులకు తీపి కబురు!
సాధికార అనుమతి పత్రాలు లేకుండా చిన్న వయసులోనే అమెరికాకు వచ్చి ఇక్కడే చదువుకుని పెరిగి పెద్దయిన విదేశీ బాలబాలికలు ఆ దేశ పౌరసత్వం లభించక ఎన్నో ఇబ్బందులు పడాల్సి
యూఎస్లో నివాస యోగ్యత కల్పించడానికి చురుగ్గా ప్రయత్నాలు
వాషింగ్టన్: సాధికార అనుమతి పత్రాలు లేకుండా చిన్న వయసులోనే అమెరికాకు వచ్చి ఇక్కడే చదువుకుని పెరిగి పెద్దయిన విదేశీ బాలబాలికలు ఆ దేశ పౌరసత్వం లభించక ఎన్నో ఇబ్బందులు పడాల్సి వస్తోంది. ఇలాంటి వారికి చట్టబద్ధంగా నివాస హోదా కల్పించడానికి 2001లో డెవలప్మెంట్, రిలీఫ్ అండ్ ఎడ్యుకేషన్ ఫర్ ఏలియన్ మైనర్స్ (డ్రీమ్) చట్టం పేరిట అమెరికా పార్లమెంటు (కాంగ్రెస్)లో ఒక బిల్లును ప్రవేశపెట్టారు. ప్రతిపాదిత బిల్లు పరిధిలోకి వచ్చే పిల్లలను డ్రీమర్స్ అంటారు. వీరిలో చాలామంది భారతీయ అమెరికన్ల పిల్లలే. చట్టబద్ధంగా వలస వచ్చిన వారి పిల్లలు అమెరికాలోనే ఉండటానికి వీలు కల్పించే బాలల చట్టాన్ని పాలక, ప్రతిపక్ష సెనెటర్లు అలెక్స్ పాడిలా (డెమోక్రాట్), ర్యాండ్ పాల్ (రిపబ్లికన్) 2021లో ప్రవేశపెట్టారు. అది త్వరగా ఆమోదం పొందేలా చూడటానికి పాడిలాతో సహా కొందరు డెమోక్రటిక్ పార్టీ సభ్యులు తాజాగా కృషి ప్రారంభించారు. అమెరికా ప్రజాప్రతినిధుల సభలో, సెనెట్లో బిల్లుకు మెజారిటీ సభ్యుల మద్దతు కూడగట్టడానికి ప్రయత్నిస్తున్నారు. బిల్లును త్వరగా ఆమోదించాలని భారతీయ అమెరికన్ కాంగ్రెస్ సభ్యుడు డాక్టర్ అమీ బేరా పిలుపు ఇచ్చారు. తమ సరిహద్దులను అక్రమంగా దాటివచ్చిన వారి పిల్లల విషయంలో ప్రతిపక్ష రిపబ్లికన్లు విముఖతతో ఉన్నప్పటికీ ఉద్యోగాలు, వ్యాపారాల రీత్యా చట్టబద్ధంగా అమెరికాలో ప్రవేశించిన భారతీయ అమెరికన్ పిల్లల విషయంలో సుముఖంగానే ఉన్నారు. కాబట్టి అమెరికా పిల్లల చట్టం కాంగ్రెస్ ఆమోదం పొందుతుందని ఆశాభావం వ్యక్తమవుతోంది.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
తాజా వార్తలు (Latest News)
-
ఇన్స్టంట్ ఇ-పాన్ కావాలా..? ఉచితంగా పొందండిలా..
-
వన్ప్లస్ నార్డ్ సీఈ3 ఫోన్పై డిస్కౌంట్.. ఈ సబ్స్క్రిప్షన్లూ ఉచితం!
-
ఆయన్ని చూసి ఆశ్చర్యపోయాను.. అల్లు అర్జున్పై ‘కేజీఎఫ్’ నటుడు ప్రశంసలు..
-
దాని గురించి మాట్లాడటానికి ఇది సరైన సమయం కాదు: హార్దిక్ పాండ్య
-
కొండగట్టు క్షేత్రంలో ఘనంగా హనుమాన్ జయంతి
-
జైల్లో కేజ్రీవాల్కు ఇన్సులిన్.. మరి ఇప్పుడు ఎందుకు ఇచ్చారన్న ఆప్