అరిజోనాలో ఘనంగా ‘ఆటా డే’, ఉగాది వేడుకలు

అరిజోనా: అమెరికాలోని అరిజోనాలో అమెరికా తెలుగు సంఘం (ATA) నిర్వహించిన ఆటా డే, ఉగాది వేడుకలు ఘనంగా జరిగాయి. ఈ కార్యక్రమాల్లో ప్రవాస తెలుగు ప్రజలు ఉత్సాహంగా పాల్గొని సందడి చేశారు.  అమెరికన్ తెలుగు అసోసియేషన్ (ATA) Arizona ఆధ్వర్యంలో ATA-డే AZ 2023 కార్యక్రమం సేవ, వినోద కార్యక్రమాలతో పాటు తెలుగు సంస్కృతి వైవిధ్యాన్ని, గొప్పతనాన్ని చాటిచెప్పేలా నిర్వహించారు. అద్భుతంగా నిర్వహించిన ఈ కార్యక్రమం మార్చి 26న ముగగిసింది.  AZలోని ఫీనిక్స్‌లోని ఫీనిక్స్ ష్రైన్ ఆడిటోరియంలో జరిగిన ఈ కార్యక్రమంలో శాస్త్రీయ, జానపద, ఫ్యూజన్ సంగీతం, నృత్య ప్రదర్శనలు, ఫ్యాషన్ షో, పౌరాణిక నాటకాల ప్రదర్శన,  ఇష్టమైన ఆహార పదార్థాల ప్రదర్శనలతో సహా డ్రాయింగ్, స్పీడ్-చెస్ వంటి పోటీలు అలరించాయి. పిల్లల కోసం హోస్ట్‌లు ఫేస్-పెయింటింగ్, ప్లే-జోన్‌తో సహా ప్రత్యేక కార్యక్రమాలను ఆకట్టుకున్నాయి.

ప్రముఖ కళాకారులు రఘు కుంచె, అంజనా సౌమ్యల ప్రత్యక్ష మ్యూజిక్ కన్సార్ట్ ఎంతగానో అలరించింది. తమ పాటలతో ప్రేక్షకులను ఉర్రూతలూగించారు. ఈ కార్యక్రమం స్థానిక కళాకారులు తమ ప్రతిభను ప్రదర్శించడానికి ఒక వేదికగా నిలిచింది. ఈ ఈవెంట్‌లో 1500 మందికి పైగా తెలుగు ప్రజలు హాజరై సందడి చేశారు. మహిళా ఛైర్‌ శుభ, బింద్య సహకారంతో ఈ కార్యక్రమం విజయవంతంగా జరిగింది. స్థానిక గ్రాసరి స్టోర్ ఆరెంజ్ టామీ ఇండియా మార్ట్, బిర్యానీ పాట్ రెస్టారెంట్ టైటిల్ స్పాన్సర్‌లుగా ఉన్నాయి. అనేక ఇతర IT కన్సల్టింగ్ కంపెనీలు Waverock సొల్యూషన్స్, Tangensis Inc, ఓపెన్ క్యూ ఈ ఈవెంట్‌కు సహ-స్పాన్సర్‌గా వ్యవహరించగా..  శ్రీ కృష్ణ జ్యువెలర్స్, దోశె బిర్యానీ చాట్ రెస్టారెంట్ స్పాన్సర్ చేసిన రాఫిల్ డ్రాలో పాల్గొన్నవారిలో చాలా మంది బంగారు నాణేలు, ఓచర్లు అందుకున్నారు. 

ఈ సందర్భంగా నిర్వహించిన సాంస్కృతిక కార్యక్రమాలు అతిథులను అలరించాయి. కళాకారులు భారత్‌ గొప్ప సాంస్కృతిక వారసత్వాన్ని ప్రదర్శించేందుకు చేసిన కృషిని అంతా అభినందించారు.  అరిజోనాలోని ఫీనిక్స్‌లో తెలుగు సాంస్కృతిక వారసత్వాన్ని జరుపుకొనేందుకు వేదికను అందించిన తెలుగు సాంస్కృతిక కార్యక్రమం ఆటా డే ఘన విజయం సాధించింది.  భవిష్యత్తులో ఇలాంటి కార్యక్రమాలను నిర్వహించాలని, సమాజానికి సేవను ప్రోత్సహించడం, సాంస్కృతిక వైవిధ్యాన్ని చాటేందుకు ఇలాంటి కార్యక్రమాలు నిర్వహించుకొనేందుకు ప్రాంతీయ డైరెక్టర్  రఘునాథ్ ప్రణాళికలను ప్రకటించారు.  ఈ సందర్భంగా ప్రాంతీయ కోఆర్డినేటర్లు వంశీ ఏరువరం, శేషిరెడ్డి గాదె, చెన్న మద్దూరి, ధీజ్ పోల, సునీల్ అననపురెడ్డి, మధన్ బొల్లారెడ్డి తదితరులు మాట్లాడుతూ అన్ని వర్గాలు, సంస్కృతులకు చెందిన వారు ఈ కార్యక్రమాలకు హాజరై విజయవంతం చేయడంపట్ల హర్షం వ్యక్తంచేశారు.