Published : 22/02/2021 01:21 IST

భారత-విదేశీ విద్యాసంస్థలు ఉమ్మడి డిగ్రీలు ఇవ్వొచ్చు

ముసాయిదా రూపొందించిన యూజీసీ
ప్రజాభిప్రాయ సేకరణ ప్రారంభం

దిల్లీ: భారత, విదేశీ ఉన్నత విద్యాసంస్థలు కలిసి (కొలాబరేషన్‌) ఉమ్మడి లేదా డ్యూయల్‌ డిగ్రీలు ఇచ్చేందుకు అనుమతి లభించింది. ఇందుకు  వీలు కల్పించేలా యూనివర్సిటీ గ్రాంట్స్‌ కమిషన్‌ (యూజీసీ) తాజా నిబంధనలతో ఓ ముసాయిదాను రూపొందించింది. దీనిపై ప్రజాభిప్రాయ సేకరణను ప్రారంభించింది. ఇలా వచ్చిన అభిప్రాయాలను మదింపు చేసిన అనంతరం సంస్థ తుది నిర్ణయం తీసుకుంటుంది.
యూజీసీ తాజా ముసాయిదా నిబంధనల (2021) ప్రకారం భారత్‌కు చెందిన ఉన్నత విద్యాసంస్థలు విదేశాల్లోని సంస్థలతో కలిసి పనిచేయవచ్చు. అయితే ఆన్‌లైన్, ఓపెన్, దూరవిద్యా విధానాలకు మాత్రం ఇవి వర్తించవు. ‘‘భారత విద్యాసంస్థల్లో - కనీసం 3.01 న్యాక్‌ స్కోరు కలిగినవి లేదా ఎన్‌ఐఆర్‌ఎఫ్‌ విశ్వవిద్యాలయం కేటగిరీలో తొలి 100 ర్యాంకుల్లో నిలిచినవి లేదా పేరెన్నికగన్నవి ఏవైనా టైమ్స్‌ హయ్యర్‌ ఎడ్యుకేషన్‌ తొలి 500 స్థానాల్లో ఉన్నవి లేదా క్యూఎస్‌ ప్రపంచ విశ్వవిద్యాలయ ర్యాంకులను సాధించిన విదేశీ విద్యాసంస్థలతో కలిసి పనిచేయవచ్చు. ఇలా ఇచ్చే డిగ్రీలు లేదా డిప్లొమాలన్నీ భారత ఉన్నత విద్యా సంస్థ అందజేసే వాటితో సమానం’’ అని యూజీసీ ముసాయిదాలో పేర్కొంది. ఇందులో భాగంగా భారత విద్యాసంస్థల్లో చేరిన విద్యార్థులు సంబంధిత విదేశీ సంస్థల్లో పాక్షికంగా కోర్సులు చేయవచ్చని ముసాయిదాలో తెలిపింది.

Read latest Nri News and Telugu News

 Follow us on Facebook, Twitter, Instagram, Koo, ShareChat and Google News. Subscribe our Telegram Channel.

Advertisement

Tags :

మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

క్రీడలు

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జాతీయం

మరిన్ని