ఎన్‌ఆర్‌ఐ తెదేపా అమెరికా కోఆర్డినేటర్‌గా జయరాం కోమటి

అమరావతి: ఎన్‌ఆర్‌ఐ తెదేపా యూఎస్‌ఏ (అమెరికా) కోఆర్డినేటర్‌గా జయరాం కోమటి నియమితులయ్యారు. తెదేపా అధినేత చంద్రబాబు ఆదేశాల మేరకు జయరాం కోమటిని నియమించినట్లు ఆ పార్టీ ఏపీ అధ్యక్షుడు కింజరాపు అచ్చెన్నాయుడు తెలిపారు. ఈ మేరకు ఆయన ఓ ప్రకటన విడుదల చేశారు. 

ఈ సందర్భంగా జయరాం కోమటి మాట్లాడుతూ తనపై ఎంతో నమ్మకంతో బాధ్యత అప్పగించిన చంద్రబాబు, తెదేపా జాతీయ ప్రధాన కార్యదర్శి నారా లోకేశ్‌కు ధన్యవాదాలు తెలిపారు. అమెరికాలో పార్టీ పటిష్ఠతకు మరింత కృషి చేస్తానని చెప్పారు. 2024 ఎన్నికల్లో ఏపీలో తెదేపా విజయమే లక్ష్యంగా పనిచేస్తానన్నారు. జయరాం కోమటి నియామకంపై ప్రవాసాంధ్రులు, తెదేపా అభిమానులు హర్షం వ్యక్తం చేశారు.