Published : 21/11/2021 19:22 IST

సింగపూర్‌లో ఘనంగా కార్తీక పౌర్ణమి వేడుకలు

సింగపూర్‌: కార్తీక పౌర్ణమి వేడుకలు సింగపూర్‌లో ఘనంగా జరిగాయి. ‘శ్రీ సాంస్కృతిక కళాసారథి’ ఆధ్వర్యంలో అంతర్జాల వేదికగా ప్రసారం చేసిన వేడుకలను ప్రపంచవ్యాప్తంగా ఉన్న ప్రవాస తెలుగు వారు వీక్షించి భక్తితో తన్మయత్వం చెందారు. హరికథకు పుట్టినిల్లయిన విజయనగరం నుంచి ‘హరికథా చూడామణి’ కాళ్ళ నిర్మల భాగవతారిణి ఆలపించిన హరికథా గానంతో కార్యక్రమం ప్రారంభించారు. వల్లీ కళ్యాణం ఇతివృత్తంగా రుద్రాక్ష మహిమను తెలుపుతూ చక్కటి కథాగానంతో, పద్యాలతో మృదుమధుర గాత్రంతో అందరిని ఆకట్టుకున్నారు. ఎం.జి.భానుహర్ష వయోలిన్‌, యమ్.మహేశ్వరరావు మృదంగం  హరికథలో మరింత లీనం చేసింది. పశ్చిమ గోదావరి జిల్లా తణుకు నుంచి, ‘శ్రీ విఘ్నేశ్వర కళా బృందం’ బుర్రకథ కళాకారులు ‘పార్వతీ కళ్యాణ’ ఘట్టాన్ని చక్కటి తెలుగు మాటలలో లయబద్ధంగా వినిపించారు. ప్రధాన కథకులుగా యడవల్లి కృష్ణ ప్రసాద్ పాల్గొనగా, వచనంతో చిరంజీవి, హాస్యంతో కన్నబాబు సహకారాన్ని అందించి మెప్పించారు.

ఈ సందర్భంగా ‘శ్రీ సాంస్కృతిక కళాసారథి’ అధ్యక్షులు రత్నకుమార్ కవుటూరు మాట్లాడుతూ ‘కరోనా కష్టకాలంలో ఆదరణ కరవైపోతున్న హరికథ, బుర్రకథ  వంటి సంప్రదాయక కళలకు చేయూతనివ్వాలనుకున్నాం. అందుకే కార్తీక పౌర్ణమి పర్వదిన సందర్భంగా భక్తి మార్గంతో మేళవించి ఈ కార్యక్రమం ఏర్పాటు చేశాం. దీనికి ‘గోల్డెన్ హెరిటేజ్ ఆఫ్ విజయనగరం ఛారిటబుల్ ఫౌండేషన్’ సంస్థ, సింగపూర్ నుంచి స్థానిక సభ్యులు ముందుకు వచ్చారు. కథాగానం వినిపించిన కళాకారులకు పారితోషికాలు అందించడం చాలా ఆనందంగా ఉంది’ అని  దాతలందరికీ కృతజ్ఞతలు తెలియజేశారు.

ఈ కార్యక్రమంలో సింగపూర్ నుంచి స్థానిక గాయనీగాయకులు సౌభాగ్యలక్ష్మి తంగిరాల, విద్యాధరి కాపవరపు, రాధికా నడదూరు, షర్మిళ చిత్రాడ, యడవల్లి శేషుకుమారి, శ్రీవిద్య , శ్రీరామ్, పాల్గొని చక్కటి శాస్త్రీయ శివభక్తి గీతాలను  ఆలపించారు. రామాంజనేయులు చామిరాజు వ్యాఖ్యానం చేయగా, భాస్కర్ ఊలపల్లి, రాధిక మంగిపూడి సహ నిర్వాహకులు వ్యవహరించారు. రాధాకృష్ణ గణేశ్న సాంకేతిక నిర్వాహకులుగా నడిపించిన ఈ కార్యక్రమాన్ని సుమారు 1000 మంది పైగా ప్రపంచ నలుమూలల నుండి యూట్యూబ్, ఫేస్‌బుక్‌ ద్వారా వీక్షించారు.

 


Read latest Nri News and Telugu News

 Follow us on Facebook, Twitter, Instagram, Koo, ShareChat and Google News. Subscribe our Telegram Channel.

Advertisement

Tags :

మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

క్రీడలు

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జాతీయం

మరిన్ని