చార్లెట్‌లో ‘తానా’ మదర్స్‌ డే వేడుకలు

చార్లెట్‌: తానా ఆధ్వర్యంలో అమెరికాలోని చార్లెట్‌ నగరంలో మే 6న మదర్స్‌ డే వేడుకలు ఘనంగా జరిగాయి. తానా ప్రాంతీయ కార్యదర్శి నాగ పంచుమర్తి, విమన్‌ ఎంపవర్‌మెంట్‌ ఛైర్‌ మాధురి ఏలూరి ఆధ్వర్యంలో ప్రత్యేకంగా నిర్వహించిన ఈ వేడుకల్లో 400 మందికి పైగా మహిళలు పాల్గొన్నారు. తొలుత ఆహుతులందరికీ మదర్స్‌ డే శుభాకాంక్షలతో స్వాగతం పలికి.. విఘ్నేశ్వరుడిని స్తుతిస్తూ ఆలపించిన పాటతో ఈ కార్యక్రమం ప్రారంభించారు. వర్జీనియా నుంచి అతిథిగా విచ్చేసిన ప్రముఖ ఫ్యాషన్‌ మోడల్‌ చైతన్య పోలోజు పరిచయం అనంతరం అందరితో కలివిడిగా తిరుగుతూ ఈ కార్యక్రమానికి మరింత శోభ తెచ్చారు.

సోలో, గ్రూపు డ్యాన్స్‌లు, స్కిట్లు, ఫ్యాషన్‌ షో, ఆట పాటలు.. ఇలా ప్రతి ఒక్క కార్యక్రమం అందరినీ ఆకట్టుకున్నాయి. ముఖ్యంగా రెండు తరాల అమ్మల ఫ్యాషన్‌ షో మదర్స్ డే సెలబ్రేషన్స్‌కే హైలెట్‌గా నిలిచింది. దీంతో అందరూ అమ్మలతో తమ మధురానుస్మృతుల్ని నెమరువేసుకున్నారు. అలాగే, సద్గురు లీడ్‌ చేస్తున్న సేవ్‌ సాయిల్‌ ఉద్యమానికి మద్దతుగా చేసిన నాటకం అందరినీ ఆలోచింపజేసింది. తెలుగు సినీ గాయని సత్య యామిని తన పాటలతో ప్రేక్షకులందరినీ ఉర్రూతలూగించింది. బాహుబలి, అఖండ, అల వైకుంఠపురంలో, వకీల్ సాబ్, రాధే శ్యామ్, అరవింద సమేత వంటి తాజా చిత్రాల్లోని మెలోడీలతో ఉర్రూతలూగించింది. ఈ కార్యక్రమానికి మధు నెక్కంటి వ్యాఖ్యాతగా వ్యవహరించి సందర్భానుసారంగా పదునైన సంభాషణలతో సమయస్ఫూర్తితో వ్యవహరించారు.

తానా అధ్యక్షులు అంజయ్య చౌదరి లావు, టీం స్క్వేర్ ఛైర్మన్ సురేష్ కాకర్ల, స్థానిక అపలాచియన్ నాయకులు పురుషోత్తమ చౌదరి గుదె, ఠాగూర్ మల్లినేని, రమణ అన్నె, సచీంద్ర ఆవులపాటి, రవి నాయుడు, రామ్ అల్లు, కేదార్ బలిశెట్టి, శ్రీపాద కాసులను వేదికపైకి ఆహ్వానించారు. ఈ సందర్భంగా తానా అధ్యక్షులు అంజయ్య చౌదరి లావు మదర్స్ డే శుభాకాంక్షలు తెలిపి, తానా చేపట్టిన కార్యక్రమాలను వివరించారు. తదనంతరం తానా అపలాచియన్ రీజియన్ ప్రాంతీయ కార్యదర్శి నాగ పంచుమర్తి పరమపదించిన తన మాతృమూర్తితో గత అనుభవాలను పంచుకున్నారు. దీంతో కార్యక్రమానికి విచ్చేసిన అమ్మలంతా వేదిక పైకి వచ్చి కేక్ కట్ చేశారు. ఈ సందర్భంగా అమ్మల అమ్మలకు ప్రత్యేకంగా అంటూ నాగ పంచుమర్తి కుటుంబం సమర్పించిన రాఫుల్ బహుమతులు అందించారు.

డైమండ్ రింగ్స్, గోల్డ్ కాయిన్స్, ఖరీదైన చీరలతో గ్రాండ్ ర్యాఫుల్ బహుమతులతో పాటు, రిటర్న్ గిఫ్ట్స్, సర్ప్రైజ్ గిఫ్ట్ బాక్సులతో మహిళలు ఆనందంగా కనిపించారు. షాపింగ్ స్టాల్స్‌ మహిళలను విశేషంగా ఆకట్టుకున్నాయి. మొట్టమొదటిసారిగా వేదికపై ఏర్పాటుచేసిన డిజిటల్ స్క్రీన్, మ్యాజిక్ మంత్ర నుంచి కవిత చేసిన చక్కని అలంకరణ, డీజే మురళీ, బాలాజీ మంద ఫోటోగ్రఫీ, ఘుమఘుమలాడే ఎగ్జిక్యూటివ్ స్టైల్ విందు భోజనం అన్నీ ఈ కార్యక్రమానికి మరింత ఆకర్షణగా తెచ్చిపెట్టాయి. ఈ తానా మదర్స్ డే సెలబ్రేషన్స్‌ని మహిళలకు ప్రత్యేకంగా.. అందులోనూ కరోనా మహమ్మారి తర్వాత ముఖాముఖిగా అత్యంత ప్రణాళికా బద్ధంగా నిర్వహించిన తానా అపలాచియన్ రీజియన్ ప్రాంతీయ కార్యదర్శి నాగ పంచుమర్తి, విమెన్ ఎంపవర్‌మెంట్‌ ఛైర్ మాధురి ఏలూరిలను అందరూ అభినందించారు. ఈ కార్యక్రమాన్ని విజయవంతం చేయడంలో సహకరించిన శ్రీనాథ్‌ గింజుపల్లి, ఉపేంద్ర సాయిరాం కిలారు, రమ్య పెద్ది, సౌమ్య శ్రీ, దీప్తి నన్నపనేని, స్వప్న కొల్లూరు, పద్మ నున్న, పల్లవి కొల్లిపర, దీప ఉప్పల, మంజూష పూనాటి, మణి కొట్టె, శిరీష అనుముకొండ, విజయ నెల్లి, విజయ ఒగ్గు, నీలిమ దేవినేని, వసంత కావూరి, ప్రదీప్తి, సౌజన్య బండ్లమూడి, ప్రుణితారెడ్డి, వాణి గొర్రెపాటి, ఉషారాణి, ఝాన్సీ అబ్బూరి, జ్యోత్స్న గంటా, పద్మజ కొమ్మినేని, రూప తలశిల, వినీషా సాదినేనితో పాటు ఆహుతులకు కృతజ్ఞతలు చెప్పి ఈ కార్యక్రమాన్ని ముగించారు.