Ladies day: రాయల్‌ ఆస్కాట్‌ ‘లేడీస్‌ డే’లో చీరల్లో మెరిసిన మహిళలు

లండన్‌: బ్రిటన్‌లో జరిగే ‘లేడీస్‌ డే’సందర్భంగా భారతీయ మహిళలు చీరకట్టులో మెరిశారు. దాదాపు 1000మంది మహిళలు చీర కట్టుకుని ఈ వేడుకకు హాజరై ప్రత్యేక ఆకర్షణగా నిలిచారు. రాయల్‌ ఆస్కాట్‌లో జరిగే ఈ వేడుకలకు సాధారణ పురుషులు సూట్‌లోనూ, మహిళలు రకరకాల టోపీలు ధరించి హాజరవుతారు. ఈ క్రమంలో భారతీయ సంప్రదాయం ప్రతిబించేలా చేసేందుకు యూకే చెందిన వైద్యురాలు దీప్తి జైన్‌ ఈ ఆలోచన చేశారు. ‘ఈ రోజు చీరలే మాట్లాడతాయి’ అని దీప్తి జైన్‌ అన్నారు. భారతీయ వస్త్రాలను, చేనేత కార్మికులకు మద్దతుగా చీరను ధరించి ఈ వేడుకలకు హాజరైనట్లు ఆమె తెలిపారు.  చీరకట్టులో వచ్చిన మహిళలతో ఫొటోలు దిగేందుకు బ్రిటిష్‌ మహిళలు పోటీ పడ్డారు. రాయల్‌ ఆస్కాట్‌ వేడుకలను క్వీన్‌ అన్నే 1711లో ప్రారంభించారు.