Published : 14/04/2021 09:24 IST

ఉత్సాహంగా సాగిన తెలుగు సాహిత్య సభ

టొరంటో: ఉగాది పండగను పురస్కరించుకుని కెనడాలో నిర్వహించిన తెలుగు సాహిత్య సభ ఉత్సాహంగా సాగింది. ఈ సభను ‘తెలుగుతల్లి’, ‘టొరంటో తెలుగు టైమ్స్‌’ మాస పత్రికలు సంయుక్తంగా నిర్వహించాయి. దాదాపు 9గంటల పాటు 40మందికిపైగా కళాకారులతో ఈ కార్యక్రమం జరిగింది. ఈ సందర్భంగా జానపద గేయాలాపన, సాహిత్య ప్రసంగాలు, కవి సంగమం, కథా సమయం, సరదా క్విజ్ తదితర కార్యక్రమాలు నిర్వహించారు.

తెలుగుతల్లి ఎడిటర్‌ రాయవరపు లక్ష్మీ మాట్లాడుతూ.. ఈ కార్యక్రమం ద్వారా సీనియర్ సాహితీవేత్తల్ని, సంగీత విద్వాంసుల్ని, సీనియర్ రచయితలని, సీనియర్ కవులని యువతకి పరిచయం చేసే లక్ష్యం నెరవేరిందన్నారు. ఈ సభను విజయవంతంగా నిర్వహించేందుకు తోడ్పాటు అందించిన అందరికీ ఆమె కృతజ్ఞతలు తెలిపారు. తెలుగు యువతలో ఉన్న ప్రతిభని వెలికితీసేందుకు ఈ కార్యక్రమం గొప్పగా పనిచేసిందని టొరంటో తెలుగు టైమ్స్ సంపాదకులు సర్దార్ ఖాన్ అభినందించారు.

కెనడాలో 1985లో కొమురవోలు సరోజ తెలుగుతల్లి పత్రికను స్థాపించారు. ప్రస్తుతం రాయవరపు లక్ష్మీ ఆధ్వర్యంలోని ఈ బృందం కెనడాలోని తెలుగువారికి సాహిత్యాన్ని దగ్గర చేస్తూ విశేష కృషి చేస్తోంది.


Read latest Nri News and Telugu News

 Follow us on Facebook, Twitter, Instagram, Koo, ShareChat and Google News. Subscribe our Telegram Channel.

Advertisement

Tags :

మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

క్రీడలు

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జాతీయం

మరిన్ని