BRS: భారాసలో చేరిన 50 మంది మహారాష్ట్ర సర్పంచ్‌లు

హైదరాబాద్‌: దేశ ప్రజలకు తాగు, సాగునీరు, విద్యుత్తు నేటికీ సరిగా అందట్లేదని భారత్‌ రాష్ట్ర సమితి (BRS) అధ్యక్షుడు, తెలంగాణ సీఎం కేసీఆర్ ఆక్షేపించారు. కేంద్ర పాలకుల నిర్లక్ష్య ధోరణులపై ప్రజలను జాగృతం చేయాలని పిలుపునిచ్చారు. మహారాష్ట్రలోని 50మంది సర్పంచ్‌లు సీఎం సమక్షంలో బుధవారం భారాసలో చేరారు. వారికి కండువా కప్పి పార్టీలోకి ఆహ్వానించారు. ఈ సందర్భంగా కేసీఆర్ మాట్లాడుతూ.. తెలంగాణ అన్ని రంగాల్లో అభివృద్ధి చెందుతోందని తెలిపారు. తెలంగాణలాగా ఇతర రాష్ట్రాలు ఎందుకు అభివృద్ధి చెందట్లేదని ప్రశ్నించారు. చంద్రుడు, చుక్కలను తెచ్చివ్వాలని కేంద్రంలోని భాజపా నేతలను అడుగుతున్నామా? అని అన్నారు. తాగు, సాగు నీరు, విద్యుత్ ఇస్తే చాలని అడుగుతున్నామని తెలిపారు.