Published : 02 Oct 2020 00:47 IST

యూపీలో రాష్ట్రపతి పాలన విధించాలి

దిల్లీ: ఉత్తర్‌ప్రదేశ్‌లో మహిళలపై వరుస అఘాయిత్యాలు జరుగుతున్నాయని బహుజన్‌ సమాజ్‌వాద్‌ పార్టీ అధ్యక్షురాలు మాయావతి అన్నారు. ఈ నేపథ్యంలో యూపీలో రాష్ట్రపతి పాలన విధించాలని గురువారం ఆమె కోరారు. రాష్ట్ర ప్రభుత్వం కఠినంగా వ్యవహరించకపోవటంతో మాఫియా, నేరగాళ్లు, అత్యాచారాలు చేసే దుర్మార్గులు యూపీలో విచ్చలవిడిగా తిరుగుతున్నారని మాయావతి మండిపడ్డారు. యోగి ఆథిత్యనాథ్‌ సీఎంగా బాధ్యతలు నిర్వర్తించలేరన్నారు. ఆయన స్థానంలో మరో సమర్థుడైన నాయకుడిని ఉంచాలని ప్రధానికి సూచించారు.

హాథ్రాస్‌లో యువతిపై జరిగిన అత్యాచారం మరువక ముందే ఆ రాష్ట్రంలోనే మరో ఘటన చోటు చేసుకుంది. బలరామ్‌పూర్‌కు చెందిన యువతి కాలేజ్‌లో చేరేందుకు అడ్మిషన్‌ కోసం వెళ్లింది. అక్కడి నుంచి ఇద్దరు యువకులు ఆ యువతిని కిడ్నాప్‌ చేశారు. అనంతరం అత్యాచారానికి పాల్పడ్డారు. తీవ్రగాయాలతో ఇంటికి చేరిన యువతి ఆసుప్రతిలో చికిత్స పొందుతూ మృతి చెందింది. ఈ నేరాలతో పాటు బుధవారం అయోధ్యలో ఓ పదో తరగతి బాలికపై అత్యాచారం జరిగింది. భాజపా పాలిత రాష్ట్రంలో మహిళలపై వరుస ఘటనలు జరుగుతుండటంతో కాంగ్రెస్‌ నాయకులు తీవ్ర విమర్శలు చేస్తున్నారు. 

ఆ రాష్ట్ర మాజీ సీఎం, సమాజ్‌వాదీ పార్టీ అధ్యక్షుడు అఖిలేష్‌ యాదవ్‌ కూడా రాష్ట్ర ప్రభుత్వంపై తీవ్ర విమర్శలు చేశారు. భాజపా పాలన నిజస్వరూపం ఈ ఘటనలతోనే అర్థమవుతుందని ఆయన ట్విటర్‌ వేదికగా పేర్కొన్నారు.

Read latest Politics News and Telugu News

Follow us on Facebook, Twitter, Instagram, Koo, ShareChat, and Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts

ఎక్కువ మంది చదివినవి (Most Read)

మరిన్ని