Published : 31/10/2020 17:09 IST

తెరాసను ఓడించే దమ్ము కమలానికే ఉంది: డీకే

దుబ్బాక: తెలంగాణలోని ప్రధాన రాజకీయ పార్టీలకు దుబ్బాక ఉప ఎన్నిక ప్రతిష్టాత్మకంగా మారింది. గెలుపే లక్ష్యంగా ఓటర్లను ప్రసన్నం చేసుకునేందుకు అధికార, ప్రతిపక్ష పార్టీలు తీవ్రంగా శ్రమిస్తున్నాయి. ఈ క్రమంలో ఒకరిపై ఒకరు తీవ్ర విమర్శలు చేసుకుంటున్నారు. దుబ్బాక మండలం ఆకారం, గంభీర్‌పూర్‌ గ్రామాల్లో శనివారం నిర్వహించిన ఎన్నికల ప్రచారంలో భాజపా అభ్యర్థి రఘునందన్‌తో కలిసి ఆ పార్టీ జాతీయ ఉపాధ్యక్షురాలు డీకే అరుణ పాల్గొన్నారు. ఈ సందర్భంగా తెరాస, కాంగ్రెస్‌ పార్టీపై అరుణ తీవ్ర విమర్శలు చేశారు. తెరాస నాయకులు భాజపా కార్యకర్తలను భయభ్రాంతులకు గురి చేస్తున్నారని ఆరోపించారు. ఎన్ని నాటకాలు ఆడినా భాజపా అభ్యర్థి రఘునందన్‌ రావు గెలవడం ఖాయమని ఆమె ధీమా వ్యక్తం చేశారు.

‘కాంగ్రెస్‌ పార్టీకి ఆదరణ కరవైంది. ఆ పార్టీని కేసీఆర్‌కు అమ్మేశారు. రాహుల్‌గాంధీ ప్రజల్లో కనిపించడం లేదు. కాంగ్రెస్‌ భూస్థాపితం అయ్యింది. భాజపాను అడ్డుకోవాలనే ఉద్దేశంతో తెరాసలో ఉన్న శ్రీనివాస్‌ రెడ్డికి కాంగ్రెస్‌ నుంచి టికెట్‌ ఇచ్చారు. ఆ పార్టీకి ఓటు వేస్తే ఎలాంటి ప్రయోజనం ఉండదు. తెరాసను ఓడించే దమ్ము ఒక్క కమలం గుర్తుకే ఉంది. ప్రజలను ఓటు అడిగే హక్కు తెరాసకు లేదు. కమలం పువ్వుకు ఓటు వేసి రఘునందన్‌ రావును భారీ మెజారిటీ గెలిపించాలి’’ అని ప్రజలను అరుణ విజ్ఞప్తి చేశారు.

Read latest Politics News and Telugu News

 Follow us on Facebook, Twitter, Instagram, Koo, ShareChat and Google News. Subscribe our Telegram Channel.

Advertisement

Tags :

మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

క్రీడలు

మరిన్ని

వెబ్ ప్రత్యేకం

మరిన్ని

జాతీయం

మరిన్ని

జనరల్

మరిన్ని