దుబ్బాకలో 3 గంటలకు పోలింగ్‌శాతం ఎంతంటే..

సిద్దిపేట: దుబ్బాకలో పోలింగ్‌ ప్రక్రియ ప్రశాంతంగా కొనసాగుతోంది. ఓటర్లు ఉత్సాహంగా పోలింగ్‌ కేంద్రాలకు వచ్చి తమ ఓటు హక్కు వినియోగించుకుంటున్నారు. మధ్యాహ్నం 3 గంటల వరకు 71.10 శాతం పోలింగ్‌ నమోదైనట్లు ఎన్నికల అధికారులు తెలిపారు. 

నియోజకవర్గంలో సాయంత్రం 6 గంటల వరకు పోలింగ్‌ కొనసాగనుంది. కరోనా నేపథ్యంలో ఓటర్ల కోసం అధికారులు ప్రత్యేక ఏర్పాట్లు చేశారు. క్యూలైన్లలో ఓటర్లు భౌతికదూరం పాటించేలా పోలింగ్‌ కేంద్రాల్లో మార్కింగ్‌ వేశారు. పోలింగ్‌ సరళిని ఎప్పటికప్పుడు జిల్లా కలెక్టర్‌ భారతి కొళికెరితో పాటు అధికారులు పరిశీలిస్తున్నారు.