మెహబూబా ముఫ్తీని విడుదల చేయాలి

దిల్లీ: రాజకీయ నాయకుల్ని చట్టవిరుద్ధంగా బంధిస్తూ కేంద్ర ప్రభుత్వం ప్రజాస్వామ్యాన్ని దెబ్బతీస్తోందని కాంగ్రెస్‌ అగ్రనేత రాహుల్‌ గాంధీ ఆరోపించారు. 370 అధికరణం రద్దు సమయంలో ఎలాంటి అవాంఛనీయ సంఘటనలు చోటుచేసుకోకుండా కశ్మీర్‌లో నేతల్ని నిర్బంధించిన విషయం తెలిసిందే. దాన్ని ఉద్దేశించి ఆయన ఈ వ్యాఖ్యలు చేశారు. ఇప్పటికీ గృహనిర్బంధంలోనే ఉన్న పీపుల్స్‌ డెమొక్రటిక్‌ పార్టీ(పీడీపీ) అధినేత్రి మెహబూబా ముఫ్తీని విడుదల చేయాలని రాహుల్‌ డిమాండ్‌ చేశారు.

2019, ఆగస్టు 5న ముందు జాగ్రత్త చర్యల్లో భాగంగా మెహబూబా ముఫ్తీని నిర్బంధంలో ఉంచిన విషయం తెలిసిందే. అనంతరం ఆమెపై ప్రజా భద్రతా చట్టం ప్రయోగించారు. గడువు ముగియడంతో మరో మూడు నెలలు పొడిగిస్తూ శుక్రవారం కేంద్రం ఉత్తర్వులు జారీ చేసింది. ఈ నేపథ్యంలోనే రాహుల్‌ తాజా వ్యాఖ్యలు చేశారు.