Published : 24 Dec 2020 00:43 IST

రైతులకు మమతా బెనర్జీ ఫోన్‌

దిల్లీ: కేంద్రం తీసుకొచ్చిన వ్యవసాయ చట్టాలపై ఆందోళన కొనసాగిస్తున్న రైతులతో పశ్చిమబెంగాల్‌ సీఎం, తృణమూల్‌ కాంగ్రెస్‌  మమతా బెనర్జీ ఫోన్‌లో మాట్లాడారు. వారి పోరాటానికి సంఘీభావం తెలిపారు. సింఘు సరిహద్దు వద్ద పోరాటం కొనసాగిస్తున్న రైతులను తృణమూల్‌ కాంగ్రెస్‌కు చెందిన ఐదుగురు ఎంపీల బృందం కలిసింది. డెరెక్‌ ఓబ్రెయిన్‌, శతాబ్ది రాయ్‌, ప్రసూన్‌ బెనర్జీ, ప్రతిమ మండల్‌, మహ్మద్‌ నదీముల్‌ హక్‌ రైతులను కలిసి వారు చేపట్టిన రిలేనిరాహార దీక్షలకు మద్దతు తెలిపారు. ఈ సందర్భంగా మమతా బెనర్జీ రైతులతో ఫోన్‌లో మాట్లాడారు. వారికి తమ పార్టీ పూర్తిగా సంఘీభావం తెలుపుతుందని హామీ ఇచ్చారు. అయితే, కొందరు రైతులు ఆమెను సింఘు సరిహద్దు వద్దకు రావాలని కోరినట్టు సమాచారం. 

రైతులను అవమానించడం ఆపండి: అఖిలేశ్‌

రైతులను అవమానించడం భాజపా ఆపాలని సమాజ్‌వాదీ పార్టీ అధ్యక్షుడు అఖిలేశ్‌ యాదవ్‌ కోరారు. మాజీ ప్రధాని చరణ్‌ సింగ్‌ జయంతి సందర్భంగా (జాతీయ రైతు దినోత్సవం) ఆయనకు నివాళులర్పించిన సందర్భంగా అఖిలేశ్‌ ట్వీట్‌ చేశారు. రైతు దినోత్సవం జరుపుకోవాల్సిన అన్నదాతలు భాజపా పాలనలో రోడ్డెక్కి పోరాటాలు చేస్తున్నారన్నారు. రైతులు దేశానికి గర్వకారణమని, వారిని అవమానించడం ఆపాలన్నారు. 

ఇదీ చదవండి..

మడమతిప్పని ఉద్యమ పోరు

 

Read latest Politics News and Telugu News

 Follow us on Facebook, Twitter, Instagram, Koo, ShareChat and Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts

ఎక్కువ మంది చదివినవి (Most Read)

మరిన్ని