గ్రేటర్‌ పోరు: మీడియా పాయింట్లు బంద్

ఉత్తర్వులు జారీ చేసిన శాసనసభ కార్యదర్శి

హైదరాబాద్‌: గ్రేటర్‌ హైదరాబాద్ మున్సిపల్‌ కార్పొరేషన్‌ (జీహెచ్‌ఎంసీ) ఎన్నికల ప్రవర్తనా నియమావళి అమల్లో ఉన్నందున  శాసనసభ, శాసన మండలి ప్రాంగణాల్లో మీడియా సమావేశాలను నిషేదిస్తూ శాసనసభ కార్యదర్శి నర్సింహాచార్యులు నోటీసు జారీ చేశారు. ఎన్నికల ఫలితాలు వెలువడి ఎన్నికల ప్రవర్తనా నియమావళి ముగిసేవరకు ఎలాంటి మీడియా సమావేశాలు నిర్వహించరాదని నోటీసుల్లో స్పష్టం చేశారు. నియమావళి అమల్లో ఉన్నంతకాలం మీడియా పాయింట్స్‌ను కూడా మూసివేస్తున్నట్లు తెలిపారు. ఈ ఉత్తర్వులు తక్షణమే అమల్లోకి వస్తాయన్నారు.