సీఎం స్థాయి వ్యక్తి నిబంధనలు పాటించకుంటే ఎలా?

డిక్లరేషన్‌ ఇవ్వకుండా తిరుమల వెంకటేశ్వర స్వామి ఆలయానికి ముఖ్యమంత్రి జగన్‌ వెళ్లడం దురదృష్టకరమని నరసాపురం ఎంపీ రఘురామ కృష్ణరాజు అన్నారు.

Published : 25 Sep 2020 01:03 IST

 నరసాపురం ఎంపీ రఘురామ కృష్ణరాజు వ్యాఖ్యలు

దిల్లీ: డిక్లరేషన్‌ ఇవ్వకుండా తిరుమల వెంకటేశ్వర స్వామి ఆలయానికి ముఖ్యమంత్రి జగన్‌ వెళ్లడం దురదృష్టకరమని నరసాపురం ఎంపీ రఘురామ కృష్ణరాజు అన్నారు. ఆలయ ఆచారాలను గౌరవించాలన్న ప్రభుత్వ నిబంధనను ముఖ్యమంత్రే ఉల్లంఘించారని తప్పుబట్టారు. అలాంటప్పుడు ప్రభుత్వ నిర్ణయాలపై ప్రజలకు గౌరవం ఎలా ఉంటుందని ప్రశ్నించారు. సీఎం జగన్‌ తిరుమలలో మాస్క్‌ పెట్టుకోలేదని, ఆ స్థాయి వ్యక్తి నిబంధనలు పాటించకుంటే ఎలా అన్నారు. ముఖ్యమంత్రి అనే వ్యక్తి ఆదర్శవంతుడిగా ఉండాలే తప్ప.. వేలెత్తి చూపే వ్యక్తిగా ఉండకూడదని వ్యాఖ్యానించారు.

చేయాల్సిన వ్యాఖ్యలు చేసి మంత్రిగా మాట్లాడలేదు.. వ్యక్తిగతంగా అన్నానని కొడాలి నాని చెప్పడం విడ్డూరంగా ఉందని రఘురామ కృష్ణరాజు అన్నారు. మనోభావాలు దెబ్బతీసేలా మంత్రి వ్యాఖ్యలు చేస్తున్నారని మండిపడ్డారు. మంత్రి స్థాయి వ్యక్తి అనుచిత వ్యాఖ్యలు చేస్తే ప్రజలు తిరగబడతారని చెప్పారు. సంబంధం లేని మోదీ, అమిత్‌ షా, యోగి ఆదిత్యనాథ్‌ వంటి వ్యక్తులను ఆలయ వ్యవహారాల్లోకి లాగుతున్నారని ధ్వజమెత్తారు. రాష్ట్ర ఖ్యాతి దిగజారేలా వ్యవహరించొద్దని హితవు పలికారు. పార్లమెంట్‌ సమావేశాల్లో రాష్ట్ర ప్రయోజనాలు, ప్రత్యేక హోదా అంశాలను వైకాపా ఎంపీలు అసలు ప్రస్తావించలేదన్నారు. అమరావతి భూములపై సీబీఐ దర్యాప్తు, రాష్ట్రాభివృద్ధికి ఉపయోగపడని, వ్యక్తిగత కక్షల అంశాన్ని పార్లమెంట్‌లో లేవనెత్తారని చెప్పారు. రాష్ట్రాభివృద్ధిని వైకాపా ఎంపీలు పట్టించుకోవడం లేదని ఆరోపించారు.

Read latest Politics News and Telugu News

Follow us on Facebook, Twitter, Instagram & Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts

ఎక్కువ మంది చదివినవి (Most Read)

మరిన్ని