TS news: కేంద్రం మోకాలడ్డుతోంది: నిరంజన్‌రెడ్డి

హైదరాబాద్‌: నదీ జలాల సమస్య తెలంగాణ ప్రజల జీవన్మరణ సమస్య అని వ్యవసాయ శాఖ మంత్రి నిరంజన్‌ రెడ్డి స్పష్టం చేశారు. ఈ విషయంలో కేంద్రం ఏకపక్షంగా గెజిట్‌ జారీ చేసిందని మండిపడ్డారు. ఈ గెజిట్‌తో నదిపై ఉన్న అన్ని ప్రాజెక్టులను కేంద్రం తన పరిధిలోకి తీసుకోవడం దారుణమన్నారు. కాంగ్రెస్‌ వల్లే తెలంగాణకు నదీ జలాల విషయంలో అన్యాయం జరిగిందని ఆరోపించారు. రాష్ట్రంలోని ఏ ఒక్క ప్రాజెక్టుకూ కేంద్రం సాయం చేయలేదని మండిపడ్డారు. రాష్ట్రాన్ని సస్యశ్యామలం చేసేందుకు తెరాస ప్రయత్నిస్తుంటే.. కేంద్రం మోకాలడ్డే ప్రయత్నం చేస్తోందని నిరంజన్‌రెడ్డి ఆరోపించారు.