ఏపీలో మానవహక్కుల ఉల్లంఘన: వర్ల

అమరావతి: ఏపీలో మానవహక్కుల ఉల్లంఘన జరుగుతోందని జాతీయ మానవహక్కుల కమిషన్‌కు తెదేపా పొలిట్‌బ్యూరో సభ్యుడు వర్ల రామయ్య లేఖ రాశారు. దీనిపై ప్రత్యేక కమిటీతో దర్యాప్తు జరిపించాలని ఆయన కోరారు. ఏపీలో  “భావ వ్యక్తీకరణ స్వేఛ్చ”ను పూర్తిగా హరిస్తున్నారని ఆయన మండిపడ్డారు. ఎస్సీలపై వరుస దాడులను అరికట్టడంలో ప్రభుత్వం ఘోరంగా విఫలమైందని ఆరోపించారు. ఎస్సీ కుటుంబo సజీవదహనానికి  ప్రయత్నించినా ఈ ప్రభుత్వంలో చలనం రాలేదని, శిరోముండనం కేసులో అసలు ముద్దాయిలు అరెస్టు కాలేదని వర్ల విమర్శించారు. రాష్ట్రంలో “రూల్ ఆఫ్ లా” అమలు కావడంలేదని హైకోర్టే వ్యాఖ్యానించిందని ఆయన అన్నారు. డీజీపీని కూడా పలుదఫాలు హైకోర్టుకి పిలిచి, హెచ్చరించినా ప్రభుత్వ పాలనలో మార్పురాలేదని వర్లరామయ్య లేఖలో పేర్కొన్నారు.