రాష్ట్రాన్ని జగన్‌ అప్పుల్లో ముంచారు‌: యనమల

అమరావతి: ముఖ్యమంత్రి జగన్‌ మోహన్‌ రెడ్డిపై తెదేపా సీనియర్‌ నేత యనమల రామకృష్ణుడు తీవ్ర విమర్శలు గుప్పించారు. రాష్ట్రాన్ని రూ.10 లక్షల కోట్ల అప్పుల్లో ముంచిన ముఖ్యమంత్రిగా జగన్‌ చరిత్రలో నిలిచిపోతారని ఎద్దేవా చేశారు. బుధవారం ఆయన మీడియాతో మాట్లాడుతూ.. తెచ్చిన అప్పులను రాష్ట్రాభివృద్ధిపై ఖర్చు పెట్టకుండా జగన్‌ అనుచరులకే పంచి పెడుతున్నారని విమర్శించారు. తెదేపా పాలనలో ఏడాదికి రూ.26వేల కోట్ల అప్పులు చేస్తే.. వైకాపా పాలనలో ఏడాదికి రూ1.13లక్షల కోట్లు అప్పు చేశారని విమర్శించారు. పేదల ఆర్థికాభివృద్ధికి గండి కొట్టి పెద్దలకు దోచిపెడుతున్నారని యనమల మండిపడ్డారు.