బట్టలుతికిన అన్నాడీఎంకే అభ్యర్థి.. వీడియో వైరల్‌

చెన్నై: ఓటర్ల కరుణ కోసం అభ్యర్థులు పడరాని పాట్లు పడుతున్నారు. తమిళనాడులోని నాగపట్టణంలో అన్నాడీఎంకే తరఫున పోటీ చేస్తున్న తంగకత్తిరవన్‌ అనే అభ్యర్థి ఓ ఇంట్లో బట్టలు ఉతికి అందరినీ ఆశ్యర్యపరిచారు. ఇంటింటి ప్రచారం చేపట్టిన తంగకత్తిరవన్‌.. ఓ ఇంట్లో మహిళ దుస్తులు ఉతుకుతుండగా ఆమెకు బదులు ఆయనే ఉతికేశారు. తంగకత్తిరవన్‌ దుస్తులు ఉతుకుతున్న దృశ్యాలు సామాజిక మాధ్యమాల్లో వైరలవుతున్నాయి. అన్నాడీఏంకే మరోసారి అధికారంలోకి వస్తే వాషింగ్‌ మిషన్లను ఇస్తామని ఎన్నికల ప్రాణాళికలో హామీ ఇచ్చింది. ఆ హామీ కచ్చితంగా నెరవేరుస్తామనే ఉద్దేశంతోనే తమ నేత ఇలా బట్టలు ఉతికినట్లు ఆయన అనుచరులు పేర్కొన్నారు.