Published : 25 Jun 2021 17:29 IST

ఇసుక అక్రమ తరలింపు ప్రాంతాన్ని పరిశీలించిన అఖిలపక్షం 

నెల్లూరు: నెల్లూరు జిల్లాలోని పెన్నా కొత్త వంతెన సమీపంలో ఇసుక అక్రమ తరలింపు ప్రాంతాన్ని అఖిలపక్ష నేతలు శుక్రవారం సందర్శించారు. అధికార వైకాపాతోపాటు తెలుగుదేశం, భాజపా, జనసేన నేతలు ఇసుక తరలించిన ప్రాంతాన్ని పరిశీలించారు. బయటి ప్రాంతాలకు అక్రమంగా ఇసుక తరలిపోయిందని తెలుగుదేశం నాయకులు ఆరోపించగా.. ప్రభుత్వ ఇళ్ల స్థలాలకే ఇసుక తరలించామని వైకాపా నేతలు స్పష్టం చేశారు. ఈ క్రమంలో వైకాపా, తెదేపా నేతలు వాగ్వాదానికి దిగడంతో ఉద్రిక్తత నెలకొంది. ఒక దశలో కొందరి నాయకుల మధ్య తోపులాట చోటు చేసుకుంది. మిగిలిన వారు సర్దిచెప్పడంతో పరిస్థితి సద్దుమణిగింది. నదిలో నుంచి ఇసుక తరలించేందుకు అనుమతులు ఉన్నాయా? లేదా? అనే అంశంతోపాటు ఎంత తరలించారు, ఇళ్ల స్థలాలకు ఎంత వినియోగించారో అధికారుల నుంచి సమాచారం తెలుసుకోవాలని అఖిలపక్ష నేతలు నిర్ణయించారు. 

Read latest Politics News and Telugu News

 Follow us on Facebook, Twitter, Instagram, Koo, ShareChat and Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts

ఎక్కువ మంది చదివినవి (Most Read)

మరిన్ని

సుఖీభవ

మరిన్ని