సవాల్‌ విసిరి చంద్రబాబు ఏం చేశారు?: బొత్స

విశాఖ: 48గంటల సవాల్‌ విసిరి తెదేపా అధినేత చంద్రబాబు ఏం చేశారో చెప్పాలని ఏపీ పురపాలకశాఖ మంత్రి బొత్స సత్యనారాయణ ప్రశ్నించారు. విశాఖలోని వైకాపా కార్యాలయంలో ఏర్పాటు చేసిన మీడియా సమావేశంలో ఆయన మాట్లాడుతూ... వ్యక్తిగత స్వార్థం కోసం చంద్రబాబు నిర్ణయాలు తీసుకుంటే.. చట్టాలకు లోబడే తాము నిర్ణయాలు తీసుకున్నామని చెప్పారు. అమరావతి రాజధాని కాదని మీకు ఎవరు చెప్పారని ప్రశ్నించారు. అమరావతిలోనూ పలు అభివృద్ధి పనులకు శంకుస్థాపన చేస్తాం.. త్వరలో విశాఖలో సీఎం శంకుస్థాపన చేస్తారని వెల్లడించారు.  వెనుక, ముందు కట్‌ చేసిన వీడియోలను చంద్రబాబు జనాల్లోకి వదులుతున్నారని విమర్శించారు. చంద్రబాబుకు ఎందులో పేటెంట్‌ ఉందో అందరికీ తెలుసని ఎద్దేవా చేశారు.