Perni Nani: గత్యంతరం లేకే ఉద్యోగులతో బేరాలు: ఏపీ మంత్రి పేర్ని నాని

అమరావతి: వైకాపా అధికారంలోకి రావడంలో ఉద్యోగులు కీలకమని ఏపీ మంత్రి పేర్ని నాని అన్నారు. వాణిజ్య పన్నుల శాఖ ఉద్యోగులను చూసి ఐక్యంగా ఉండటం నేర్చుకోవాలని చెప్పారు. ఉద్యోగులపై ప్రేమే లేకపోతే రాష్ట్ర ప్రభుత్వం 27 శాతం ఐఆర్‌ ఎందుకు ఇస్తుందని ప్రశ్నించారు. పీఆర్సీ బాలేదని కొందరు అంటున్నారని.. అసలు రాష్ట్ర ఆర్థిక పరిస్థితే బాగాలేదని పేర్ని నాని వ్యాఖ్యానించారు. పీఆర్సీ విషయంలో గత్యంతరం లేకే ఉద్యోగులతో బేరాలు ఆడాల్సి వచ్చిందని చెప్పారు.