AP Cabinet: కొత్త మంత్రుల విధేయత: జగన్‌ కాళ్లకు మొక్కి..చేతిని ముద్దాడి..

అమరావతి: ఏపీ మంత్రివర్గ ప్రమాణ స్వీకారోత్సవ కార్యక్రమంలో పలు ఆసక్తికర సన్నివేశాలు చోటుచేసుకున్నాయి. ప్రమాణస్వీకారం చేసిన అనంతరం పలువురు మంత్రులు సీఎం జగన్‌ వద్ద తమ విధేయతను చాటుకున్నారు. కొందరు సీఎం, గవర్నర్ బిశ్వభూషణ్‌కు నమస్కరించి వెళ్లిపోగా.. మరికొందరు మాత్రం జగన్‌ కాళ్లు మొక్కారు. 

ప్రమాణస్వీకారం అనంతరం మంత్రి నారాయణస్వామి సీఎం జగన్‌ కాళ్లు తాకి నమస్కరించగా.. మరో మంత్రి ఉష శ్రీచరణ్‌ ఆయన కాళ్లకు మొక్కారు. మరో ఇద్దరు మంత్రులు గుడివాడ అమర్‌నాథ్‌, జోగి రమేశ్‌ ఇంకాస్త విధేయతతో  మోకాళ్లపై పడి మరీ నమస్కరించారు. మంత్రి రోజా ప్రమాణస్వీకారం చేసిన తర్వాత సీఎం వద్దకు వెళ్లి ఆయన కాళ్లకు నమస్కరించిన అనంతరం ఆయన చేతిని ముద్దాడి తమ కృతజ్ఞతలు తెలుపుకొన్నారు.