Published : 06 Mar 2022 22:32 IST

UP polls 2022: వారణాశిలో రేపే ఓటింగ్‌.. చివరి దశ పోలింగ్‌కు సిద్ధమైన యూపీ

లఖ్‌నవూ: శాసనసభ చివరి విడత పోలింగ్‌కు ఉత్తరప్రదేశ్‌ సర్వం సిద్ధమైంది. 9 జిల్లాల్లో విస్తరించి ఉన్న 54 నియోజకవర్గాల్లో సోమవారం ఓటింగ్‌ జరగనుంది. ఇందుకోసం అన్ని ఏర్పాట్లూ పూర్తయ్యాయి. మొత్తం 613 మంది అభ్యర్థులు పోటీలో ఉన్నారు. 2.6 కోట్ల మంది ఓటర్లు వీరి భవితవ్యాన్ని తేల్చనున్నారు. ఉదయం 7 గంటల నుంచి సాయంత్రం 6 గంటల వరకు పోలింగ్‌ సాగనుంది. ప్రధాని నరేంద్ర మోదీ ప్రాతినిధ్యం వహిస్తున్న లోక్‌సభ నియోజకవర్గం వారణాశి పరిధిలో రేపే ఓటింగ్‌ జరగనుంది.

తుది దశ పోరులో యూపీ పర్యాటక శాఖ మంత్రి నీల్‌కాంత్ తివారీ బరిలో ఉన్నారు. ఈయన వారణాశి సౌత్​ నియోజకవర్గం నుంచి పోటీ చేస్తున్నారు. మరోవైపు శివ్​పుర్​-వారణాశి నియోజక వర్గం నుంచి అనిల్ రాజ్‌భర్, వారణాశి నార్త్​ నుంచి రవీంద్ర జైస్వాల్, జౌన్​పుర్​ నియోజకవర్గం నుంచి గిరీష్ యాదవ్, మీర్జాపుర్​ నుంచి రామశంకర్ సింగ్ పటేల్​ పోటీ పడుతున్నారు. అంతేగాకుండా కేబినెట్‌ మంత్రి పదవికి రాజీనామా చేసి సమాజ్‌ వాదీలో చేరిన ధారాసింగ్​ చౌహాన్..​ ఘోశి నుంచి పోటీలో ఉన్నారు. ఈ నెల 10న ఎన్నికల ఫలితాలు వెలువడనున్నాయి.

Read latest Politics News and Telugu News

 Follow us on Facebook, Twitter, Instagram, Koo, ShareChat and Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts

సుఖీభవ

మరిన్ని