Andhra News: వైకాపా నేత సుబ్బారావు గుప్తాపై ఎస్సీ, ఎస్టీ అట్రాసిటీ కేసు

ఒంగోలు: ప్రకాశం జిల్లా ఒంగోలుకు చెందిన వైకాపా నేత సుబ్బారావు గుప్తాపై ఎస్సీ, ఎస్టీ అట్రాసిటీ కేసు నమోదైంది. తనను కులం పేరుతో దూషించారంటూ ఒంగోలు మేయర్‌ గంగాడ సుజాత ఇచ్చిన ఫిర్యాదు మేరకు పోలీసులు కేసు నమోదు చేశారు. పోలీసులు తెలిపిన వివరాల ప్రకారం.. ఒంగోలు మంగమూరు సెంటర్‌లో పొట్టి శ్రీరాములు విగ్రహాన్ని ఏర్పాటు చేయాలని కొంతమంది వైశ్యులు చాలా కాలంగా ప్రయత్నిస్తున్నారు. ఈ క్రమంలో విగ్రహం ఏర్పాటుకు కార్పొరేషన్‌ అనుమతి కోసం వైశ్య సంఘాల ప్రతినిధులతో కలిసి సుబ్బారావు గుప్తా మేయర్‌ వద్దకు వెళ్లారు. ఈ సందర్భంగా తనను కులం పేరుతో దూషించారంటూ మేయర్‌ వన్‌టౌన్‌ పోలీసులకు ఫిర్యాదు చేశారు. దీంతో పోలీసులు కేసు నమోదు చేశారు.