Palnadu: తెదేపా నేత జూలకంటి బ్రహ్మారెడ్డిపై హత్యాయత్నం కేసు

మాచర్ల: పల్నాడు జిల్లా మాచర్ల తెదేపా నియోజకవర్గ ఇన్‌ఛార్జి జూలకంటి బ్రహ్మారెడ్డిపై (Julakanti Brahma Reddy) పోలీసులు హత్యాయత్నం కేసు నమోదు చేశారు. ఆగస్టు 30న వెల్దుర్తి మండలం గొట్టిపాళ్లలో వైకాపా, తెదేపా కార్యకర్తల మధ్య ఘర్షణ జరిగింది. ఈ ఘటనలో ఇప్పటికే తెదేపా కార్యకర్తలపై 307తోపాటు మరికొన్ని సెక్షన్లతో కేసు నమోదు చేశారు. ఈ కేసులో ఏ10గా ఉన్న మధు యాదవ్‌ను పోలీసులు ఇటీవల అదుపులోకి తీసుకున్న పోలీసులు.. రిమాండ్‌ రిపోర్టులో జూలకంటి పేరును ఏ-12గా చేర్చారు. జూలకంటి చెప్పడం వల్లే మధు హత్యాయత్నం చేసినట్లు రిమాండ్‌ రిపోర్టులో పేర్కొన్నారు.