Bandi Sanjay: జేబీఎస్‌ వద్ద నిరసనకు భాజపా ప్లాన్‌.. బండి సంజయ్‌ హౌస్‌ అరెస్ట్‌

హైదరాబాద్‌: భాజపా రాష్ట్ర అధ్యక్షుడు బండి సంజయ్‌ను పోలీసులు గృహనిర్బంధం చేశారు. రాష్ట్రంలో ఆర్టీసీ బస్సు ఛార్జీల పెంపును వ్యతిరేకిస్తూ జేబీఎస్‌ వద్ద నిరసనకు ఆయన పిలుపునిచ్చారు. దీనిలో భాగంగా జేబీఎస్‌ వద్ద నిరసన కార్యక్రమానికి భాజపా నేతలు సిద్ధమవుతున్నారు. ఈ నేపథ్యంలో అక్కడికి వెళ్లకుండా బండి సంజయ్‌ను పోలీసులు హౌస్‌ అరెస్ట్‌ చేశారు.

బంజారాహిల్స్‌లోని ఆయన ఇంటిని పోలీసులు చుట్టుముట్టి సంజయ్‌ బయటకు రాకుండా అడ్డుకున్నారు. దీంతో పెద్ద ఎత్తున భాజపా కార్యకర్తలు అక్కడికి చేరుకుంటున్నారు. పోలీసుల తీరుపై భాజపా నేతలు ఆగ్రహం వ్యక్తం చేశారు. ఆర్టీసీ ఛార్జీల పెంపుతో సామాన్యుడిపై భారం వేశారని.. జేబీఎస్‌లో నిరసన చేసి తీరుతామని చెబుతున్నారు.