Bandi Sanjay: ఈ నెల 27న పాదయాత్ర ముగింపు: బండి సంజయ్‌

హైదరాబాద్‌: వరంగల్‌ భద్రకాళి ఆలయం వద్ద ఈ నెల 27న ప్రజాసంగ్రామ యాత్ర ముగియనున్నట్లు తెలంగాణ భాజపా అధ్యక్షుడు బండి సంజయ్‌ ప్రకటించారు. ఈ పాదయాత్ర ముగింపు సభకు జేపీ నడ్డా వస్తారని బండి సంజయ్‌ పేర్కొన్నారు. భాజపా ముఖ్యనేతలతో అమిత్‌ షా సమావేశం అనంతరం బండి సంజయ్‌ మాట్లాడారు. ఈడీ పేరు చెబితే సీఎం కేసీఆర్‌ భయపడుతున్నారని బండి సంజయ్‌ అన్నారు. ఎన్టీఆర్‌ మర్యాద పూర్వకంగానే అమిత్‌ షాను కలిసినట్లు పేర్కొన్నారు. అమిత్‌ షా, ఎన్టీఆర్‌ ఏం మాట్లాడుకున్నారో తనకు తెలియదన్నారు. మునుగోడు సభ విజయవంతమైందని బండి సంజయ్‌ తెలిపారు. మునుగోడు అభివృద్ధికి కేసీఆర్‌ ఇచ్చిన హామీలు నిలబెట్టుకోవాలన్నారు.