Published : 03 Oct 2021 13:37 IST

Bhabanipur by poll: బెంగాల్‌లో హింస తలెత్తకుండా వారికి ఆదేశాలు ఇవ్వండి

కలకత్తా హైకోర్టు సీజేకు భవానీపూర్‌ భాజపా అభ్యర్థి ప్రియాంక టిబ్రివాల్ లేఖ

కోల్‌కతా: భవానీపూర్‌ సహా పశ్చిమ బెంగాల్‌లో మూడు అసెంబ్లీ స్థానాలకు జరిగిన ఉప ఎన్నికల ఓట్ల లెక్కింపు కొనసాగుతోన్న విషయం తెలిసిందే. కట్టుదిట్టమైన భద్రత నడుమ కౌంటింగ్‌ చేపడుతున్నారు. ఈ క్రమంలో ఎన్నికల ఫలితాల అనంతరం బెంగాల్‌లో ఎటువంటి హింసాత్మక ఘటనలు చోటుచేసుకోకుండా చర్యలు తీసుకునేలా పోలీసులకు ఆదేశాలు ఇవ్వాలంటూ భాజపా అభ్యర్థి ప్రియాంక టిబ్రివాల్ ఆదివారం కలకత్తా హైకోర్టు ప్రధాన న్యాయమూర్తికి లేఖ రాశారు. ఈ ఏడాది మే నెలలో బెంగాల్‌ అసెంబ్లీ ఎన్నికల ఫలితాల అనంతరం హింసాత్మక ఘటనలు చెలరేగిన విషయాన్ని టిబ్రివాల్‌ ఈ సందర్భంగా ప్రస్తావించారు.

‘ఎన్నికల ఫలితాల అనంతరం బెంగాల్ అంతటా మారణకాండ జరగడాన్ని చూశాం. ఇది యావత్‌ దేశాన్ని షాక్‌కు గురిచేసింది. టీఎంసీ శ్రేణుల దుశ్చర్యల పరిణామాలను నేటికీ అనుభవిస్తున్నాం’ అని ఆమె పేర్కొన్నారు. ఈ క్రమంలో ప్రస్తుతం ఎలాంటి హింస, ప్రాణనష్టాలకు అవకాశం లేకుండా కోల్‌కతా పోలీసు యంత్రాంగం అన్ని చర్యలు తీసుకునేలా ఆదేశాలు జారీ చేయాలని కోరారు. మరోవైపు ఓట్ల లెక్కింపులో భవానీపూర్‌ స్థానంలో మమత ఆధిక్యంలో దూసుకెళ్తున్న విషయం తెలిసిందే.

Read latest Politics News and Telugu News

 Follow us on Facebook, Twitter, Instagram, Koo, ShareChat and Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

క్రీడలు

మరిన్ని

వెబ్ ప్రత్యేకం

మరిన్ని

జాతీయం

మరిన్ని

జనరల్

మరిన్ని