ఏపీలో భాజపా పుంజుకుంటుంది : సోము వీర్రాజు

విజయవాడ :  విజయవాడలోని భాజపా రాష్ట్ర కార్యాలయంలో ఉగాది వేడుకలు ఘనంగా జరిగాయి. ఈ వేడుకల్లో రాష్ట్ర పార్టీ అధ్యక్షుడు సోము వీర్రాజుతో పాటు పార్టీ నేతలు పాల్గొన్నారు. అనంతరం పంచాంగ పఠనం జరిగింది. ఈ సందర్భంగా సోము వీర్రాజు మాట్లాడుతూ.. ‘రాష్ట్రంలో భాజపా మరింతగా పుంజుకుంటుందని పంచాంగంలో ఉంది. రాష్ట్రంలో హిందువులకు అండగా ఉంటాం. శ్రీశైలంలో భక్తులకు ఎందుకు సౌకర్యాలు కల్పించడం లేదు? త్వరలోనే అక్కడ పర్యటిస్తాం. గుంటూరులో జిన్నా టవర్స్‌ పేరు మార్చే వరకూ రాష్ట్రవ్యాప్తంగా యువ మోర్చా ఆందోళన చేస్తుంది’ అని స్పష్టం చేశారు.