BJP Meeting: 5 రాష్ట్రాల ఎన్నికలు.. రేపు భాజపా కీలక సమావేశం

వచ్చే ఏడాది జరిగే ఐదు రాష్ట్రాల ఎన్నికలకు భారతీయ జనతా పార్టీ సన్నద్ధమవుతోంది. ఆయా రాష్ట్రాల ఎన్నికల్లో పార్టీ వ్యూహాన్ని ఖరారు చేసేందుకు ఆదివారం ఆ పార్టీ కార్యవర్గం సమావేశం కానుంది.

Published : 06 Nov 2021 17:08 IST

దిల్లీ: వచ్చే ఏడాది జరిగే ఐదు రాష్ట్రాల ఎన్నికలకు భారతీయ జనతా పార్టీ సన్నద్ధమవుతోంది. ఆయా రాష్ట్రాల ఎన్నికల్లో పార్టీ వ్యూహాన్ని ఖరారు చేసేందుకు ఆదివారం ఆ పార్టీ కార్యవర్గం సమావేశం కానుంది. కొవిడ్‌ తర్వాత తొలిసారి ప్రత్యక్షంగా ఈ సమావేశం జరగనుంది. ప్రధాని నరేంద్రమోదీ, పార్టీ అధ్యక్షుడు జేపీ నడ్డాతో పాటు వివిధ రాష్ట్రాలకు చెందిన 124 మంది పార్టీ జాతీయ కార్యవర్గ సభ్యులు, కేంద్ర మంత్రులు ఈ సమావేశానికి హాజరుకానున్నారని భాజపా ప్రధాన కార్యదర్శి అరుణ్‌సింగ్‌ తెలిపారు. ఆయా రాష్ట్రాల ముఖ్యమంత్రులు వర్చువల్‌గా ఈ సమావేశంలో పాల్గొంటారని చెప్పారు.

ఐదు రాష్ట్రాల అసెంబ్లీ ఎన్నికలతో పాటు జాతీయ సమస్యలను అజెండాలో చేర్చినట్లు అరుణ్‌సింగ్ వివరించారు. ఈ సమావేశంలో ప్రధాని మోదీ కీలక ఉపన్యాసం చేయనున్నారని, జేపీ నడ్డా ప్రారంభపోన్యాసం చేస్తారని తెలిపారు. ఈ సమావేశంలో కొవిడ్‌ మృతులకు సంతాపం తెలపడంతో పాటు ఓ రాజకీయ తీర్మానాన్ని కూడా ఆమోదించే అవకాశం ఉంది. ఇటీవల దేశవ్యాప్తంగా 29 అసెంబ్లీ, మూడు లోక్‌సభ స్థానాలకు జరిగిన ఉప ఎన్నికల ఫలితాల్లో ఆ పార్టీకి మిశ్రమ ఫలితాలు వచ్చిన నేపథ్యంలో ఈ భేటీ జరుగుతుండడం ప్రాధాన్యం సంతరించుకుంది.

Read latest Politics News and Telugu News

Follow us on Facebook, Twitter, Instagram & Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts

ఎక్కువ మంది చదివినవి (Most Read)

మరిన్ని