BRS: దిల్లీలో భారాస జాతీయ కార్యాలయాన్ని ప్రారంభించిన కేసీఆర్‌

హైదరాబాద్‌: దేశ రాజధాని దిల్లీలో భారత్‌ రాష్ట్ర సమితి (భారాస) జాతీయ కార్యాలయం ప్రారంభమైంది. సర్దార్‌ పటేల్‌ రోడ్డులోని కార్యాలయాన్ని ఆ పార్టీ అధ్యక్షుడు, తెలంగాణ సీఎం కేసీఆర్‌ ప్రారంభించారు. తొలుత అక్కడ రాజశ్యామల, నవచండీయాగాలు నిర్వహించారు. ఈ యాగాల్లో కేసీఆర్‌, ఆయన సతీమణి శోభ, ఎమ్మెల్సీ కవితతో పాటు ఆ పార్టీకి చెందిన పలువురు మంత్రులు, ఎమ్మెల్యేలు, ఎంపీలు, ఎమ్మెల్సీలు, ఇతర నేతలు పాల్గొన్నారు. ప్రారంభోత్సవ కార్యక్రమానికి ముఖ్యఅతిథులుగా సమాజ్‌వాదీ పార్టీ అధ్యక్షుడు అఖిలేష్‌ యాదవ్‌, జేడీఎస్‌ నేత కుమార స్వామి హాజరయ్యారు. పార్టీ కార్యాలయాన్ని ప్రారంభించిన అనంతరం భారాస జెండాను కేసీఆర్‌ ఆవిష్కరించారు.