Dasoju Sravan: భయంకరమైన డ్రగ్స్‌ డెన్లుగా హైదరాబాద్‌ పబ్‌లు: దాసోజు శ్రవణ్‌

హైదరాబాద్‌: ఆధునికత పేరుతో నగరంలోని పబ్‌లు భయంకరమైన డ్రగ్‌ డెన్స్‌గా మారుతున్నాయని ఏఐసీసీ అధికార ప్రతినిధి దాసోజు శ్రవణ్‌ విమర్శించారు. అసభ్యత, వికృత సంస్కృతిని పెంచి యువకుల కెరీర్‌ను నాశనం చేస్తున్నాయని ఆయన ఆరోపించారు. ఈ మేరకు శ్రవణ్‌ ట్వీట్‌ చేశారు. మన యువత భవిష్యత్తు, సంస్కృతిని కాపాడేందుకు తెలంగాణ ప్రభుత్వం చర్యలు తీసుకోవాలన్నారు. పబ్‌లు, హుక్కా సెంటర్లు, బెల్ట్‌ షాపులను తప్పనిసరిగా నిషేధించాలని ఆయన డిమాండ్‌ చేశారు.

ఇటీవల జూబ్లీహిల్స్‌లోని ఓ పబ్‌కు వెళ్లిన మైనర్‌ బాలికను కొంతమంది యువకులు కారులో బయటకు తీసుకెళ్లి అత్యాచారం చేశారు. ఈ విషయం సంచలనంగా మారిన విషయం తెలిసిందే. ఈ నేపథ్యంలో ప్రభుత్వం చర్యలు చేపట్టాలంటూ దాసోజు శ్రవణ్‌ ట్వీట్‌ చేశారు.