Updated : 06 Mar 2022 14:07 IST

Jagga Reddy: చేదు అనుభవాలు ఎదురవుతున్నాయ్‌.. అందుకే బాయ్‌కాట్‌: జగ్గారెడ్డి


హైదరాబాద్‌: కాంగ్రెస్‌ శాసనసభాపక్ష (సీఎల్పీ) సమావేశం నుంచి ఎమ్మెల్యే జగ్గారెడ్డి అర్ధంతరంగా బయటకు వెళ్లిపోయారు. గతంలోనూ తనకు చాలా అవమానాలు జరిగాయని.. ఇప్పుడూ జరుగుతున్నాయని ఆరోపించారు. ఈ నేపథ్యంలోనే సీఎల్పీ సమావేశాన్ని తాను బహిష్కరించినట్లు చెప్పారు.

ఏం జరిగిందంటే..

రేపటి నుంచి తెలంగాణ శాసనసభ బడ్జెట్‌ సమావేశాలు జరగనున్న నేపథ్యంలో సీఎల్పీ నేత భట్టి విక్రమార్క ఆధ్వర్యంలో తాజ్‌ డెక్కన్‌ హోటల్‌లో కాంగ్రెస్‌ శాసనసభాపక్ష భేటీ ఏర్పాటు చేశారు. ఈ సమావేశానికి కాంగ్రెస్‌ పార్టీకి చెందిన ఎంపీలు, ఎమ్మెల్యేలు, జిల్లా అధ్యక్షులతో పాటు ముఖ్య నేతలు హాజరయ్యారు. ఈ భేటీకి ముందు ఎమ్మెల్యే జగ్గారెడ్డి మీడియా సమావేశం ఏర్పాటు చేశారు. అయితే ఆ సమావేశంలో పార్టీ అంతర్గత విషయాలు మాట్లాడొద్దని భట్టి విక్రమార్క తదితరులు సూచించడంతో జగ్గారెడ్డి తన ప్రెస్‌మీట్‌ను విరమించుకుని సీఎల్పీ సమావేశానికి వెళ్లారు. అక్కడ కాసేపు నిరీక్షించిన అనంతరం అర్ధంతరంగా బయటకు వచ్చేశారు. 

అనంతరం జగ్గారెడ్డి మీడియాతో మాట్లాడుతూ పీసీసీ అధ్యక్షుడు రేవంత్‌రెడ్డిపై ఆరోపణలు చేశారు. మెదక్‌ జిల్లా పర్యటనకు రేవంత్‌ వెళ్లారని.. ఆ విషయం తనకు తెలియలేదన్నారు. ఆయన ప్రోటోకాల్‌ పాటించడం లేదని ఆరోపించారు. గతంలోనూ పలుమార్లు ఇలా జరిగిందన్నారు. తాజాగా తనకు ఎదురైన చేదు అనుభవాన్ని సీఎల్పీ సమావేశంలో ప్రస్తావించాలని అనుకున్నానని.. అయితే ఆ అంశాలను మాట్లాడొద్దని భట్టి విక్రమార్క, కుసుమకుమార్‌ సూచించారన్నారు. అందుకే సీఎల్పీ సమావేశాన్ని బాయ్‌కాట్‌ చేసి వెళ్తున్నట్లు జగ్గారెడ్డి తెలిపారు.


Read latest Politics News and Telugu News

Follow us on Facebook, Twitter, Instagram, Koo, ShareChat, and Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts