వైకాపా నిర్వాకంతో సినిమాలూ భయంభయంగా చూడాల్సి వస్తోంది: సీపీఐ నారాయణ

అనంతపురం: ఏపీలో మరిన్ని రాజకీయ హత్యలు జరగొచ్చని సీపీఐ జాతీయ కార్యదర్శి నారాయణ వ్యాఖ్యానించారు. మాజీ మంత్రి వైఎస్‌ వివేకా హత్య కేసు దర్యాప్తు చేస్తున్న సీబీఐ అధికారుల మీద రాష్ట్ర ప్రభుత్వం కేసులు పెడుతోందని ఆక్షేపించారు. వైకాపా ప్రభుత్వం నిర్వాకంతో సినిమాలు కూడా భయంభయంగా చూడాల్సి వస్తోందని నారాయణ అన్నారు. అనంతపురంలో నిర్వహించిన మీడియా సమావేశంలో ఆయన మాట్లాడారు.

‘‘వివేకాను చంపిందెవరో అందరికీ తెలిసిపోయింది. ఆ హత్యకు వైఎస్‌ కుటుంబీకులే నైతిక బాధ్యత వహించాలి. సీబీఐపైనే ఎదురుదాడి చేసే వ్యవస్థ రాష్ట్రంలో ఉంది. సాంస్కృతిక రంగంలో వివాదానికి జగన్‌ వైఖరే కారణం. చిరంజీవి స్వార్థం కోసమే సీఎంను కలిసి సినిమా రాయితీలు మాట్లాడుకున్నారు’’ అని నారాయణ ఆరోపించారు.