దుబ్బాకలో 55.52 శాతం పోలింగ్‌

దుబ్బాక: సిద్దిపేట జిల్లా దుబ్బాక ఉప ఎన్నికల పోలింగ్‌ ప్రశాంతంగా కొనసాగుతోంది. మధ్యాహ్నం 1 గంట వరకు 55.52 శాతం పోలింగ్‌ నమోదైనట్లు అధికారులు వెల్లడించారు. ఇప్పటికే పలువురు తమ ఓటు హక్కును వినియోగించుకోగా పోలింగ్‌ శాతం పెరిగే అవకాశముందని చెబుతున్నారు. కరోనా నేపథ్యంలో ఓటర్లకు ఎలాంటి ఇబ్బందులు తలెత్తకుండా చర్యలు తీసుకున్నారు. సామాజిక దూరం పాటించేలా క్యూలైన్లు ఏర్పాటు చేశారు. జిల్లా కలెక్టర్‌ భారతి హొళికెరితోపాటు పలువురు అధికారులు ఎప్పటికప్పుడు ఎన్నికల సరళిపై ఆరా తీస్తున్నారు. ప్రతి రెండు గంటలకు ఒకసారి అధికారులు పోలింగ్‌ సరళిపై నివేదిక ఇవ్వాలని కలెక్టర్‌ ఆదేశించారు. ఎలాంటి అవాంఛనీయ సంఘటనలు చోటు చేసుకోకుండా పోలీసులు కట్టుదిట్టమైన భద్రత ఏర్పాట్లు చేశారు.